________________ सवायलक्खदेसाहिवइ-अण्णोरायस्स अणेगसो जयम्मि निष्फले गए तस्स जय, नियमंती बाहडो पुच्छिमओ 'कहं सो जिणिज्जइ ?' / तइया मंतिबाहडवयणेण पट्टणसंथिअसिरिपासणाहचेइअमज्झम्मि सिरिहेमचंदपहुपइट्ठिअमहापहावजुअसिरिअजियणाहजिणीसरपडिमाराहणेण अण्णो रायस्स विजओ विहिओ। ___ एगया जहणधम्मसवणे मंतिबाहडमुहाओ सिरिहेमचंदसूरिणो गुणे सोच्चा तं च आहविऊणं तम्मुहाओ जिणधम्मं सुणिऊणं मंसाहारचागपमुहनियमे गिहित्था / तओ सो जइणसत्थाणं अज्झयणं कुणंतो कमेण महासावगो संजाओ / नियदंताणं विसोहणटुं बत्तीसं जिणचेहयाई तह य नियपियरसेयनिमित्तं 'तिहुवणविहार'-चेइअं अन्नाई च अणेगचेइआई करावेसी / पुव्वं सिरिअजियजिणाराहणेण अण्णोरायस्स विजओ कओ आसी, तो तस्स सुमरणनिमित्तं तारंगायलसिहरम्मि उच्चयमं भव्वमहापासायं कराविऊणं तम्मि इक्काहिगसयंगुलपमाणं सिरिअजियणाहजिणपडिमं करावित्ता तहिं पइ8 कराविस्था / ___ उदयणमंतिस्स बिइयपुत्तेण अंबडेण भरुअच्छनयरम्मि 'सउणिगाविहार' चेइअस्स उद्धारो को तस्स पइट्ठा वि विक्कमस्स उउ-चंद-आइच्च (1216) वरिसम्मि सिरिहेमचंदसूरिणा बिहिया। - सिरिहेमचंदपहुणो उवएसेण कुमारवालो नरिंदो समणोवासगस्स दुवालसवयाई गिहित्था / ताहे सो नियसव्वदेसेसुं जीववहं तह य जूअपमुहसत्तवसणाई निवारित्था / सिरिहेमचंदसूरिस्स वयणेण कुमारवालो सिंधुसोवीरदेसरायधाणीवीमभयपट्टणस्स भूमि.. खणणेण निग्गयाओ पुवकालियजिणपडिमाओ इह पट्टणम्मि आणाविऊणं जिणचेइएस पइट्ठाविआओ / एवं आयरियसिरिहेमचंदसूरी कुमारवालमहारायं पडिबोहिऊण तह य सव्वंगीअगंथरयणेण गुज्जरदेसस्स सिरिजिणसासणस्स य अणुवमं पहावणं काऊणं विक्कमस्स नंद-नयण-भुय-ससंक(१२२९) वरिसम्मि चउरासीइवरिसाउसो सग्गं समागओ / एवं महापुरिसाणं गुणगाणं कम्मक्खयाय होइ / तहेव इह उसहचरियविरयणे सिरिहेमचंदसूरिविरइयतिसहिसलागामहापुरिसचरियस्स पढमपव्वस्स उवओगो मए विहिओ / तेण एएसिं महापुरिसाणं गुणगाणं मज्मवि कम्मखयटुं हवेउ / एवं सिरिहेमचंदपहुणो संखेवओ पहावगचरियस्स समत्तीकाऊणं अहुणा तिसहिसलागा पुरिसचरियाइमपव्वस्स रूवरेहा मए आलिहिज्जइ
