________________ विसेसओ-बीयउद्देसम्मि सत्तकुलगराणं वुत्तंतो, तह य भरहचक्कवट्टिस्स उप्पत्ती निहिट्ठा / तइयम्मि भरहरायस्स चक्करयणलाहो, मरुदेवाए मोक्खगमणं / चउत्थम्मि भरहरायस्स छक्खंडसाहणा / पंचमम्मि भरहस्स बाहुबलिणा सद्धिं जुद्धं / छद्रुम्मि भरहनरवइणो पुत्तस्स मरीइणो वेसपरिवट्टणं / सिरिउसहणाहस्स भरहचक्कवट्टिणो य अट्ठावयगिरिम्म निव्वाणपयसंपत्ती / अवरं च एयस्स गंथरयणाए सिरितवागच्छाहिवइ-सासणपहावग-आबालबभयारि-सूरीसरसेहराऽऽयरियविजयनेमिसूरीस-पट्टालंकार- समयण्णू-वच्छल्लवारिहि-गुरुदेवसिरि--आयरियविजयविण्णाणसूरीसरं सुमरणपहम्मि समाणेमि / तास अणुवमकिवादिट्ठीए सुहासिसाए य पेरिओ हं गंथसमत्तीकरणे पक्कलो संजाओ / तस्स य निदेसेण मुद्दणालए मुद्दणद्रं एसो गंथो समप्पिभो / किंतु संपुण्णमुद्दणकज्जाओ पुव्वं तस्स गुरुदेवस्स सिरिथंभतित्थे ओसवालुवस्सयम्मि विक्कमस्स नेत्त-भुय-गयण-कर(२०२२) वरिसम्मि .महुमासस्स सुक्कदसमीवासरे आराहणपुव्वगं देहविलयाओ सरणविरहिमओ हं सजाओ, तेण गुरुदेवविरहबाहा मे चित्तं अज्ज वि जाव अईव दूमेइ / पज्जते इमस्स गंथस्स मुद्दणपत्ताणं संसोहणकम्मम्मि मईयपरिवारगय-उवझायचंदुदयविजयगणि-मुणिअसोगचंदविजय-मुणिजयचंदविजयपमुहेहिं जेहिं सहेज दिणं ते वि भण्णवायारिहा। इम वेय-नयण-गयण कर (2024) वरिसम्मि सूरियपुरम्मि विजयकत्थूरसूरी निवेएइ /
