Page Text
________________ भरहस्स दिसिजत्ता। 135 तओ विवेगवंतो नरिंदो कयनटें नडं पित्र नहमालसुरं पसायपुव्वयं विसज्जेइ, पारणं काऊण तस्स य देवस्स अट्ठाहियामहसवं विहेइ, तओ य सुसेणसेणावई 'खंडपवायगुहा उग्याडिज्जउ' त्ति आदिसेइ / तओ चमूनाहो नट्टमालदेवं मंतब्व मणंमि किच्चा पोसहसालाए अट्टमतवं करिऊणं पोसहं गिण्हेइ, अहमतवंते पोसहागाराओ नीसरिऊण पइट्टाए आयरिओ विव बलिविहिं विहेइ, तो य विहियपायच्छित्त-कोउय-मंगलो महग्य-थेव-नेवत्थ-धरो धृवदहणं धरितो खंडपवायगुहं पयाइ, आलोगमेत्ते वि य नमिऊण तीए कवाडाई अच्चेइ, तओ य तत्थ अट्ठमंगलं लिहेइ / अह सो सेणावई कवाडुग्घाडणाय सत्तहपयाई अवसरिऊण कंचणमइयकुंचिगं पिच दंडरयण उवादेइ, तेण दंडरयणेण आहयं तं कवाडदुर्ग आइच्चरस्सि-पुट्ठ-पंकयकोसव्व उग्घडेइ, दुवारुग्घाडणसमायारं चक्कट्टिस्स निवेएइ / तओ सो भरहनरिंदो हत्थिखंधमारूढो गयस्स दाहिणकुंभदेसंमि मणिरयणं निवेसित्ता तं गुहं पविसेइ, सेणाहि अणुसरिज्जमाणो भरहो तिमिरविणासणटुं पुगमिव कागिणीरयणेण तत्थ मंडलाइं आलिहंतो वच्चइ / गुहापच्छिमदिसाएं भित्तीए नीसरंतीओ पुव्वदिसाभित्तिमज्झभागेण गंतूण दुण्णि सहीओ सहीए इव जण्हवीनईए मिलंतीओ उम्मग्ग-निमग्गाभो नाम ताओ नईओ भूवई पावेइ / पुन्वमिव य पज्जाए तीओ वि नईओ सेणाए सह लंघेइ / तओ तीए गुहाए दक्खिणदुवारं सेण्ण-सल्लाऽऽउरेण वेयड्ढगिरिणा पेरिअं पिव खणेण सयं चिय उघडेइ / तओ नरीसरो तीए गुहामज्झाओ केसरिव्व निग्गच्छिऊण गंगाए पच्छिमतडंमि खंघा. वारं च निहे। नवनिहिणो-- तत्थ पुढवीवई नव निहिणो उदिसिता अट्टमतवं कुणेइ, 'पुव्वं हि उवज्जियलद्धीणं लंभणे मग्गपयंसगो तवो सिया' / अहमतवस्स पज्जते पच्चेगं जक्खसहस्सेण सह अहिटिया ते सइ विसुआ नव निहिणो भरहं अभिगच्छंति, तं जहा नेसप्पो अवि पंडुअ-पिंगल-सव्वरयणामया निहिणो / महपोम्म-कालया पुण, महकालो माणवो संखो // ते य सव्वे निहिणो अट्टचक्कपइटाणा, असेहंमि अट्ठजोयणा, नवजोयणवित्थिण्णा, दीहत्तणे दुवालस-जोयणा, वेरुलिय-मणिकवाड-थगिय-वयणा कंचणमइआ रयणसंपुण्णा चन्दाइच्चलंछणा / ताणं निहीणं नामेहिं तयहिटायगा पल्लुवमाउसा नागकुमार 1 पथया सेतुना। 2 शल्यम शकुः, तेनातुरेण /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |