Page Text
________________ सिरिउसहनाहचरिए देवा तन्निवासिणो संति / तत्थ १-नेसप्पनिहित्तो खंधावार-पुर-ग्गामाऽऽगरदोणेमुह-मडंब-पट्टणाणं विणिवेसणं होइ / २-पंडुअनिहीओ माणुम्माण-पमाणाणं सव्वगणियस्स तह य धण्णाणं बीयाणं च संभवो सिया / ३-पिंगलाओ निहीओ नराणं नारीणं हत्थीणं वाईणं सव्वाभरणविही नज्जइ / ४-सव्वरयणामइए निहिम्मि एगिदियाई सत्त वि रयणाई सत्त य पंचिंदियरयणाई चक्कवटिस्स जायते / ५-महापउम-महानिहितो सबविच्छित्तिविसेसाणं सुद्धाणं वण्णजुत्ताणं च वत्थाणं समुप्पत्ती संजायइ / ६-कालनिहित्तो भावि-भूयभावाणं वट्टमाणस्स य त्ति कालत्तयस्स नाणं किसिपमुहाई कम्माइं अन्नाई पि सिप्पाइं च हुंति / ७–महाकालनिहिमि विदमरयय-सुवण्ण-सिला-मुत्ताहल-लोहाणं तह लोहाइआगराणं समुन्भवो सिया / ८-माणवनिहित्तो जोहाणं आउहाणं सन्नाहाणं च संपयाओ असेसा वि जुद्धनीई दंडनोई य जाएइरे / ९-संखमहानिहीहिंतो चउहा कव्वनिप्फत्ती, नट्ट-नाडगाणं विही सव्वेसिं च तुरियाणं समुप्पत्ती भवइ / एयारिसा नव निहिणो वयंति-'महाभाग ! तुम्हेच्चयपुण्णुदयवसीकया अम्हे गंगामुहमागहतित्थनिवासिणो तुमं अभिसमागया, जहिच्छं निरंतरं च उवभुंजसु पदेहि य, कया वि अंबुहिमि जलं झिज्जइ, अम्हे उ न झिज्जामो एवं सव्वेसु निहीतुं वसं पत्तेसु नरिंदो अट्ठमतवस्स पारणं ताणं च निहीणं अट्ठाहियामहुच्छवं कुणेइ / सुसेणसेणावई वि नरिंदाणाए गंगादक्खिणनिक्खुडं पल्लिं पिव लीलाए सव्वं साहिऊण समागच्छेइ / तत्थ पुढवीवई लीलाए अक्कंतपुव्वाऽवरपयोनिही बीओ वेयड्रढगिरिव्व बहुकालं चिट्ठइ / अउज्झानयरीए पवेसमहसवो___ अण्णया भरहनरवइणो साहियाऽसेसभरहखित्तं गयणट्ठियं चक्कं अउज्झासंमुहं चलेइ, तया भरहमहाराओ वि कयसिणाणो बलिकम्मं च विहेऊण सुणेवत्यधरो कंय-पायच्छित्तकोउयमंगलो देवराओ इव महागयंदखंधारूढो, कप्पदुमेहिं पिव नवनिहीहिं पुट्ठकोसो, सुमंगलाए सुमिणाण भिण्ण-भिण्ण फलेहि पिव चउद्दसमहारयणेहिं निरंतरं परिवरिओ, रायाणं कुलसिरीहिं पिव कमेण परिणीयरायकन्नाहि बत्तीसाए सहस्सेहिं समण्णागओ, तह जणवयसमुप्पणावरबत्तीससहस्साऽइसुन्दरसुन्दरीहिं अच्छराहिं पिव परिसोहिओ, पाइक्केहिं व बत्तीसरायसहस्सेहिं चुलसीए य हय-गय-रह-सयसहस्सेहिं संजुत्तो, छण्णवइसुहडकोडीहिं ढक्कियभूयलो पढमपयाणदिवसाओ सहिवाससहस्सेसुं अइक्कतेसु समाणेसु चक्कमग्गाणुसारी चलेइ / सेण्णुद्धयधूलीपूर-फरिस-मैलिणिए खेचरे वि भूमि-लूढिए विव करंतो, सेण्णभाराओ महीभेयसकुप्पारण भूमिमज्झवासिणो 1 द्रोणमुखम् जल-स्थलाभ्यां यत्र गमनं स्यात् तन्नगरम् / मडम्बम् यत्र योजनं यावद् प्रामो न स्यात् ताहकू स्थानम् / 2 विच्छित्तिः-रचना / 3 मलिनितान् / / शङ्कोत्पादेन /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |