Page Text
________________ सिरिउसहनाहचरिए पल्लवियवल्लिमिव, पयासंत-नहरयणेहिं रयणायलतडिमिव, विसालसच्छकोमलवसणेहि चलंत-मउय पवण-जायलहरीहिं नई पिव सोहमाणं, निम्मलपहातरंगियमणोरमावयवेहि रयणसुवण्णमयाई भूसणाई पि भूसयंतं, पिडओ छाहीए विव छत्तधारिणीए तह य हंसेहि पउमिणि पिव संचरंतचामरेहिं निसेवियं, एयारिसं इत्थिरयणं विण्णेयव्वं / तह नमिविज्जाहरिंदो वि महामुल्लाई स्यणाई भरहचक्कवट्टिणो समप्पेइ, 'गिहसमा. गयंमि सामिमि हि महप्पाणं अदेयं किं !' / अह भरहराएण विसज्जिा ते नमिविणमिबिज्जाहरिंदा भवाओ विरज्जमाणा नियनियपुत्तेसुं रज्जाइं समारोविऊण उसहसामिणो अघिमूलंमि वयं गिण्हेइरे / गंगादेवो-नट्टमालदेवविजओ तओ वि चलंतचक्करयणस्स पिटुओ गच्छंतो भरहनरवई अमंदतेओ 'मंदाइणीतडे समागच्छेइ, वसुमईनाहो जण्हवीसैयणस्स न अच्चासण्णे नाइमि सेण्णाई आवासेइ, सुसेण सेणावई नरिंदादेसेण सिंधुन्ध गंगं उत्तरिय गंगाए उत्तरनिक्खुडं साहेइ / तओ सो चक्कवट्टी अट्ठमभत्तेण गंगादेवि साहेइ, 'उवयारो समत्थाणं सज्जो हवइ सिद्धीए' / सा गंगादेवी भरहनरिंदस्स रयणसिंघासणदुंगं अठुत्तरं च रयणकुंभसहस्सं समप्पेइ, तत्थ रूबलायण्णकिंकरीकयमयणं भरहनरवई दणं मंगा वि खोहं पावेइ, वयणमयंकाणुगय-तार-तारागणेहिं पिव मुत्तामइयविभूसणेहिं सव्वंगे विरायमाणा, वत्थरूवपरिणयाई नियपवाहजलाई पिव कयलीगम्भ-छल्लीसरिसाई वत्थाई धरंती, रोमंच-कंचुको दंचिर-थण-फुट्टियकंचुया सयंवरमालं पिव धवलं दिहि खिवंती, नेहगग्गरवायाए पत्थिवं गाढं पत्थिऊणं कीलिउं इच्छंती गंगादेवी कीलानिकेयणं नेइ / तत्य राया गंगादेवीए सह विविह-दिव्य-भोगे भुजमाणो एगदिण पिव वरिसाण सहस्सं सो अइवाहेइ, कहंचि वि जण्हवि संबोहिऊण अणुण्णं च घेत्तूणं सो भरहो पबलबलेहिं सह खंडपवायागुहं अभिचलेइ / ___ अह बलेण अइमहाबलो सो वि खंडपवायागुहाए दूरओ सेण्णं निवेसेइ, तत्य भूवई नट्टमालदेवं मणंसि किच्चा अट्ठमं तवं कुणेइ, तस्स य आसगं पकंपेइ / सो देवो ओहिनाणेण तत्थ आगयं भरहचक्कवटि जाणिऊण उवायणेहिं आगच्छेइ, छक्खंडपुढविवइणो भूरिभत्तिभरनिभरो सो देवो भूसणाई अप्पेइ, सेवं च पडिवज्जेइ / ' १मन्दाकिनी-गंगा। 2 सदनस्य / 3 छल्लीत्वचा / 4 उदञ्चनशीलः /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |