Page Text
________________ भरहस्स दिसिजत्ता। 133 ससेण्णेहि तहिं सह पच्चेअं जुगवं च विविहजुद्धेहिं जुज्झेइ, 'जं जयसिरीओ हि जुद्धण लहणीआउ' त्ति / एवं दुवालसबाससंगामकरणेण जिया ते विज्जाहरवइणो कयंजलिणो पणिवइय भरहनरवइं वयंति आइच्चोवरिं को तेओ?, वाउस्सोवरिं को जवी ? / ___ मोक्खस्सोवरिं किं सोक्खं ?, को य सूरो तुमोवरि ? // हे उसहनंदण ! तुम्ह सणेण सक्खं अज्ज उसहभयवंतो दिट्ठो, अन्नाणाओ अम्हेहिं तुम जं जुज्झविओ तं सामि ! खमसु, पुरा उसहसामिणो अम्हे भिच्चा आसिमो, अहुणा तुम्ह वि सेवगच्चिय, 'सेवापउत्ती सामिव्व सामिनंदणे न लज्जाए सिया, दाहिणुत्तरभरहड्ढमज्झवट्टिवेयड्ढगिरिणो उभयपासेसुं तुव सासणेण इहं दुग्गपालव्य अम्हे ठाइस्सामो ति बोत्तूण विणमी नरिंदो उवहारं दाउं इच्छमाणो वि मग्गिउं इच्छंतो विव अंजलिं विहेऊण अच्छराहिं सिरिं पित्र आवगाहिं गंगं पिव सहस्ससंखाहिं सव्वओ वयंसाहिं परिवरियं नामेणं सुभदं इत्थिरयण थिरीभूयसिरिमित्र नियं दुहियं हरण्णो पदे / / इत्थीरयणं तं इत्थिरयणं केरिसं जहा-मुत्तं दाऊणं निम्मियं पिव समचउरंसागारं, तेलुक्कमअवट्टि माणिक्कतेयपुंजमइयमिव, कयण्णूहि सेवगेहिं पिव सया जोब्बणेण सिरिमंतेहि नहेहि केसेहिं च अच्चंतं विरायमाणं, बलपदायग-दिव्योसहि व सव्वामयोवसमगं, दिनवारिव्व जहिच्छ-सी-उण्हसंफरिस, केसाईसुं तीसु ठाणे सुसामं, देहाईसु तीसु सेयं, करयलाईसुं तंबं, थणाईसु उण्णयं, नाहि-आईसु गहीरं, नियंबाइसु वित्थिण्णं लोयणाईसुदीहं, उयराइतीसुं किसं, केसपासेण मऊराणं कलावे जयंत, भालेण अहमीचंदं पराभवंत, रइ-पीईणं 'कीला-दिग्घिआओ इव नयणाई धरंतं, भाल-लायण्ण-जलधारमिव दिग्धनासियं, नवसुवण्णाऽऽयंसेहिं पिव गल्लेहिं सोहिय, अंसलग्गकण्णेहि डोलाहिं पिब रेहिरं, सहजायबिंबफल-विडंबिणो अहरे धरंतं, वैज्ज-खंड-सेणि-सरिससोहिर-दंतेहि छज्जिरं, उयरं पित्र तिरेहासोहियकंठं, नलिणीनालसरलाओ बिसकोमलाओ बाहाओ धरमाणं, मयणस्स कल्लाणकलसे विव थणे धरतं, नाहि-वावी-तीर-दुरुत्वावलिमिव रोमालिं वहमाणं, कामस्स सेज्जाए इव विसालनियंबभागेण तह य डोलासुवण्णथंभेहिं पिच उरूहि विराइयं, जंघाहिं हरिणीजंघाओ अहरीकुणंतं, पाणीहिं पिव पाएहिं पंकयाई पराभवंतं, पाणिपायंगुलिदलेहि 1 श्यामम् / 2 क्रीडादीर्घिके क्रीडावाप्यौ / 3 आदर्शाभ्याम् / 4 दोलाभ्याम् / 5 वज्रखण्डाः हीरककणाः / पाणिभ्यामिव /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |