Page Text
________________ 124 सिरिउसहनाहचरिप मणिरयण-कागिणीरयणाणं वण्णणं___ सिहाबंधणेणव्व सिरसंठिएण जेण कयावि हि तिरियनराऽमरुब्भवा उबसग्गा न जायंते, जेण अंधयारं पिव असेसं दुहं पणासेइ, जेण य सत्यघाया विव रोगा न पभवंति, तं जक्खसहस्सेण अहिंडियं चउरंगुलपमाणं भक्खरुव्व उज्जोयगं मणिरयणं भरहनरिंदो उवादेइ / हत्थिणो दाहिणे कुंभत्थलंमि पुण्णकलसे सुवण्णपिहाणं व्य तं निहेऊण सत्तुनिसूअणो चउरंगचमूचक्कजुत्तो चक्काणुसारी केसरीव नरकेसरी गुहादुवारं पविसंतो सो नरिंदो असुवण्णपमाण छ।लागारं दुवालसंसियं समयलं माणुम्माणपमाणसंजुयं जक्खसहस्सेण सव्वया अहिट्ठियं अटुकण्णियाजुयं दुवालसजोयणभूमिपज्जतंऽधयारविणासकारणं अहिगरणीसंठाणसरिसं सूर-ससि-अनलसरिसप्पहं चउरंगुलपमाणं कागिणीरयणं गिण्हेइ / तेण कागिणीरयणेण सो गोमुत्तिगाकमेण दोसुं गुहा-पासे सुं जोणयंते जोयणंते इक्किक्कजोयणुज्जोयकारगाई मंडलाई आलिहंतो वच्चइ / ताई सव्वाइं मंडलाइं तत्थ धणुहपंचसयाऽऽयामाई एगूणपण्णासं जायाई। कल्लाणकारगो चक्कवट्टी महीयलंमि जाव जीवइ ताव य सा गुहा उग्याडियाणणा ताई च मंडलाई थाईई चिट्ठति / चक्करयणाणुसारिचक्कवहिस्स पिट्ठाणुगामिणी सा सेणा मंडलाणं तेण पयासेण अक्खलिया मुहं संचरेइ / तया घावट्टिणो संचरंतीहिं चमूहि सा गुहा असुराइबलेहि रयणप्पहामझभाग पिव आभासेइ, मंथणदंडेण मथुणिआ इव अभंतरसंचरंतचमूचक्केण सा गुहा उद्दामनिग्घोसा जाया, तया संचाररहिओ वि गुहापहो रहेहिं सीमंतिओ, सज्जो य तुरंगमखुरेहिं खुण्णकक्करो नयरीपहो इव जाओ। अंतग्गएण तेण सेणालोएण तिरिच्छत्तणमावण्णा सा कंदरा लोगनालीव होत्था। उम्मग्ग-निमग्गनईओ। अह अणुक्कमेण गच्छमाणो भरहनरिंदो तमिस्सागुहाए मज्झभागंमि हिवसणोवरित्थिय-कडीमेहलाओ विव उम्मग्गा-निमग्गानामाओ नईओ पावेइ। दाहिणुत्तरभरहखेतद्धभागाओ आगच्छमाणाणं नराणं नदीमिसेण वेयड्ढगिरिणा आणालेहाओ कयाओ इव ताओ नईओ संति / तासु उम्मग्गानईए सिला वि हि तुंबीफलं पिव उम्मज्जेइ तरेइ अ, तह निमग्गानईए सिला इव तुबीफलंपि उ निमज्जइ / तमिस्सागुहाए पुन्वभित्तीओ विनिग्गयाओ ताओ नईओ पच्छिमभित्तीए मज्झेण गंतूणं सिंधुनईए संगम पावेइरे। . 1 षड्-दलाकारं-षट्पत्रस्येव शोभावत् / 2 द्वादशाश्रिकं द्वादशकोणकम् / 3 लोहकारोपकरणविशेषः / 4 स्थायीनि(स्थितिमन्ति)। 5 मन्थनकलशः / 6 सीमन्तितः-खण्डितः छिन्नश्च / 7 तिरश्चीनत्वम् /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |