Page Text
________________ 123 सुसेणस्स मिलेच्छविजओ। वई समावडंति, केई सुवण्णगिरिसिहरसरिसे रयणसुवण्णुकरे, केवि य चलियविंझपव्वयसरिच्छे गए दिति, केई अइक्कंतभाणुतुरंगमे तुरंगये, केइ अंजणनिप्पण्णे देवरहुवमे रहे, अण्ण पि जं तत्थ सारभूयं तं सव्वं तस्स वियरंति, 'गिरित्तो वि सरियाए आकढियं रयणं रयणागरंमि गच्छेज्जा' / तओ ते सव्वे सेणावई वयंति-अम्हे अओ परं तुम्ह नियोगिणो इव निदेसगरा नियनियविसएसं ठाइरसामो ति / तओ सो सेणावई जहरिहं ते सव्वे राइणो सकारिऊणं विसज्जेइ, पुव्वं व सिंधुनई सुहेण उत्तरिऊण कित्तिवल्लीणं दोहलमिव मिलेच्छेहितो आहडं सव्वं तं दंडं दंडनायगो चक्कवटिस्स पुरओ टुक्केइ / अह चक्केवट्टिणा पसाएणं सो चमूवई सक्कारिओ विसज्जियो य समाणो पहिट्ठो नियावासं समागच्छेइ / भरहनरिंदो अउज्झाए व्व तत्थ चिठेइ, 'सिंहो हि जत्थ वि पयाइ तस्स तं चिय नियं ठाणं' / तमिस्सगुहाए दुवारुग्घाडणं एगया भूवई चमूवई बोल्लाविऊण आदिसेइ--'तमिस्सगुहाए कवाडदुगं उग्याडेसु' एयं सोच्चा सेणावई नरवइणो आणं मालमिव मत्थएणं घेत्तूर्ण तमिस्सागुहाए अवि दुरं गंतूणं चिहइः / अह तत्थ कयमालदेवं मणसि किच्चा सो सेणावई अट्ठमतवं कुणेइ, 'सब्याओ हि सिद्धिओ तवमूलाओ हुँति' / अट्ठमतवंमि पुण्णे सो सेणावई सिणाण काऊणं सेयवसगपक्खधरो सिणाणघराओ सरोवराओ रायहंमुब्ध निजाइ, तओ लीलासुवण्णारविदव्य सुवण्णनिम्मियं धृवदहणं पाणिणा घेत्तूणं तमिस्सगुहादुवारं समासादेइ, तत्थ कवाडदुगं अवलोइऊण सो पणमेइ, 'सत्तिमंता वि महंतपुरिसा पढमं सामनीइं पउंजंति' / तत्थ सो बेयड्ह-संचरंत-विज्जाहर-थी-थंभणोसहं अट्ठाहियामहूसवं महिड्ढीए विहेइ / तओ सो सेणाणी मंतवाई मंडलमिव अखंडतंदुलेहि मंगलकारणं अहमंगलं आलिहेई, आलिहिऊण इंदस्स बज्जमिव वइरिविणासणं चकवहिणो दंडरयणं नियहत्थेण उवादेइ / कबाडदुगं पहरिउं इच्छंतो सो सत्तट्ठपयाइं ओसरेइ, 'गयंदो वि हि पहरिस्समाणो मणयं अवसरइ च्चिय', ओसरिऊणं आओज्जमिव तं कंदरं उच्चएहिं गज्जाविंतो सेणाणी तिक्खुत्तो तेण दंडेण कवाडदुगं ताडेइ / तया वेयड्ढगिरिणो बाढं निमिल्लियलोयणा इव वज्जनिम्मिया ते दुण्णि कबाडा उग्घडंति / तओ दंडताडणाओ ते कवाडा उग्घडंता तड-तडत्ति कुणंता उच्चएण कंदंतीव / सेणानाहो उत्तरभरहखंडाणं जयपत्थाणमंगलरूवं तं कवाडुग्घाडणसमायारं चक्कवट्टिणो विष्णवेइ / अह भरहनरिंदो चंदुव्व परूढपोढविक्कमो हस्थिरयणं समारूढो तमिस्सगुहाए ओगच्छेइ / 1 आहृतम् / 2 आतोद्यम् / 3 निमीलितलोचने इव /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |