Page Text
________________ 122 सिरिउसहनाहचरिए म्मुण्णयभागाणं अण्णेसिं च दुग्ग-थलाणं 'मग्गविऊ, परक्कमेण सिंहो, तेएण सूरो, धिसणागुणेहिं बिहप्पई, संपुण्णलक्खणो सव्वमिलेच्छभासाविसारओ सामिणो सासणं पसायमिव सिरसा अंगीकरेइ / भरहनरक्ई पणमित्ता नियावासे गंतूणं अप्पणो पडिविंबरूवे इव सामंताइणो पयाणढं निदिसेइ / अह सो सिणाणं काऊण कयबलिकम्मो महामुल्ल-थेवभूसणो संवम्मिओ कयपायच्छित्त-कोउय-मंगलो, जयसिरीए आलिंगणाय पक्खित्तबाहलयं व दिव्य-रयण-गेवेज्जयं कंठे धरितो. पट्टहत्थिव्य चिन्ह पटेण सोहमाणो, उच्चएहिं गहियसत्थो, कडीभागे मुत्तसरूवसत्तिमिव छुरियं धरंतो, जुद्धं काउं पिट्टओ विउविए बाहुदंडे इव अतुच्छ-सरलागिइ-सुवण्णमइए दुणि सरहिणो धरंतो, गणनायग-दंडनायग-सेटि-सत्थवाह-संधिवाल-चरप्पमुहेहिं जुवराओ इव परिवरिओ सो सेणाहिवई निच्चलऽग्गासणो तेण आसणेण सहप्पण्णो इव नंगुप्रणयं गयरयणं आरोहेइ / सेयच्छत्तचामरेहिं सोहिरो अमरोवमो सो चरणंगुट्टसण्णाए वारणं पेरेइ, भरहनरिंदस्स अड्ढसेण्णेण सह सिंधुनईतडंमि गंतूण उद्धय-शुलीए सेउबंधमिव कुणंतो सो तत्थ चिटई / जं फासियं समाणं दुवालस जोयणाई वड्ढई, जत्थ य पभायसमयंमि उत्ताइं धण्णाई दिणच्चए निष्फज्जति, जं च नइ-द्रह-समुद्दजलेसुं तारणक्खमं, तं चम्मरयणं सेणावई हत्थेण संफासेइ / तं चम्मरयणं सलिलोवरि पक्खित्तं तेल्लमिव नेसग्गियपहावेण तीरदुगं पसरेइ / तओ सो चमूनाहो तेण चम्मरयणेण सेणाए सह मग्गेणेव उत्तरिऊण नईए परं तीरं पावेइ, सिंधुनईए तं सव्वं दाहिणनिक्खुडं साहिउं इच्छमाणो सो सेणावई तत्थ कप्पंतकालसमुद्दो व्व पसरेइ, तओ घणुनिग्योसबुंकार-दारुणो रणसुगो सिंघो व्व स लीलामेत्तेण च्चिय सिंह लजणे पराजिणेइ, बब्बरलोगे मुल्लगहिए किंकरे इव वसीकुणेइ, टंकणनरे तुरंगमे इव रायचिन्हेण अंकेइ, जलरहियरयणागरमिव रयणमाणिकभरियं जवणदीवं स नरसिंहो लीलाए जएइ / तेण कालमुहा मिलेच्छा तहा जिणिज्जंति, जहा असुंजमाणा अवि ते मुहंमि पंचंगुलीदलाई पक्खिवंति / तस्स पसरंतस्स समाणस्स जोणगनामा मिलेच्छा पवणाओ पायवपल्लवा इव परंमुहा हुंति / अवराओ अवि वेयड्ढगिरिसमा. सण्णसंठिआओ मिलेच्छजाईओ सो गारुलिओ अहीणं जाईओ इव जिणेइ / पोढपयावपसरो अणिवारियं पसरंतो सो सेणाणी सूरो आगासमिव सव्वं कच्छदेसभूमि अकमेड, एवं सीहो वणमिव सव्वं निक्खुडं अक्कमित्ता कच्छदेसमग्गभूमीए सो सेणावई सत्थो होऊण चिढइ / तत्थ मिलेच्छभूवइणो विचित्तोवायणेहिं सद्धिं भत्तीए इत्थीओ पियमिव सेणा- . 1 मार्गविद् / 2 नगोन्नतम् / 3 निष्पद्यन्ते / 4 बूक्कारः-गर्जना /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |