Page Text
________________ दिसिजत्ताए वरदामतित्थाहिगारो। 117 वहिस्स य पणमिरो भवाहि / तया सो मागहाहिवो तं मंतिणो वायं सोच्चा ताणि य अक्खराइंदण गंधह स्थिणो गधं अग्याइऊण अण्णकरी इव उवसमेइ / तओ सो उवहारं तं च सरं गिहिऊण भरहनरिंदे उवेच्च पणमित्ता य एवं विण्णवेइ-हे सामि! कुमुयवणस्स पव्वससंकुब्य राय ! मज्झ अहुणा दइव्वजोगेणं दिट्ठिपहमि पाविओ सि, जह पढमतित्थयरो भयवंतो उसहसामी विजयइ. तह तुमंपि पढमो चक्कवही विजयसु / एरावणसरिसो अण्णो को वि हत्थी नत्थि, वाउसरिच्छो अण्णो को बली नत्थि, आगासाओ परं पइमाणं न सिया तह तुम्हाणं सरिक्खो जगंमि अण्णो को वि पइमल्लो न / आकण्णाऽऽयड्ढियकोदंडाओ निग्गयं तुम्ह सायगं सक्स्स वज्जमिव सहि को समत्थो ?, पमत्तस्स मज्झोवरि पसायं कुणंतेण तुमए कायचविण्णवणटुं वेत्तिअपुरिसो व्व एसो सरो पेसिओ, हे नाह ! महीनाहसिरोमणि ! अओ परं अहं तुम्हाणं आण सिरंमि सिरोमणि मिव धारिस्स, सामि ! इमंसि मागहतित्थंमि तुमए ठविओ तुम्हाण पुव्वदिसाए विजयत्थंभो इव निदंभभत्तिभरो अहं ठास्सामि, एए अम्हे इमं च रज्जं एसो सव्वो परिच्छओ अण्णं पि जं तं तुम्हेच्चयं चेव, नियपाइक्कन्व अम्हे पसासाहि इअ. वोत्तूणं सो देवो चक्कवहिणो तं सरं तं च मागहतित्थजलं किरीडं कुंडले वि अप्पेइ / भरहनरिंदो तं च पडिच्छेइ, मागहाहिवई च सकारेइ, महंतपुरिसा हि सेवोवणयवच्छला हुंति' / अह पत्थिवो रहं वालिऊण तेणच्चिय पहेण नियखंधावारं इंदो अमरावइमिव आगच्छेइ / रहाओ अवरोहिऊण अंगं च पक्खालिऊण सपरिवारो भरहनरिंदो अहमभत्तस्स पारणं कुणेइ, तो वसुहाधवो चक्कस्सेव उवणयस्स मागहणाहस्स महिड्ढीए अट्टाहियामहूसवं विहेइ / अठ्ठाहियामहमि समत्ते आइच्चरहनिग्गयमिव तेएहिं 'उब्वणं चक्करयणं गयणंमि चलेइ / दिसिजत्ताए वरदामतित्थाहिगारो तो चक्कं दाहिणदिसाए वरदामतित्थं पइ वच्चेइ, चक्कवट्टी य पाइ-उवसग्गा धाउगणं पिव तं चक्कं अणुगच्छेइ / राया पइदिणं जोयणामेत्तपयाणेहिं गच्छंतो माणसं रायसुव्व दाहिणंबुनिहिं पावेइ, एला-लवंग-लैंबली-कक्कोल-बहले दाहिणसागरतडंमि सेण्णाई आवासेइ, तत्थ वड्ढगी पुवमिव चक्कवट्टिस्स सासणाओ सयलसेण्णस्स आवासे पोसहसालं च रएइ / भरहनरिंदो वरदामदेवं चित्तंमि काऊण अट्ठमतवं कुणेइ, पोसहागारंमि पोसहव्वयं च गिण्हेइ, पुणंभि पोसहमि नरिंदो पोस 1 पर्वशशाङ्कः / 2 उल्बणं-प्रचण्डम् / 3 प्रायुपसर्गाः 4 लवली-लताविशेषः / कंकोल:-वृक्षविशेषः /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |