Page Text
________________ 118 सिरिउसहनाहचरिए हसालाओ बाहिरं निग्गंतूण धणुहधराणं वरो सो कालपुढे धणुं उवादेइ, सव्वओ सुवण्णरइयं रयणकोडीहिं खइयं जयसिरीए वासागारं रहं सो आरोहेइ, देवेण पासाओ इव स महारहो 'उरालागारधारिणा नरदेवेण अईव सोहेइ, अणुकूलपवणलोलपडागामंडियंऽबरो सो संदणवरो अंभोनिहिमि जाणपत्तमिव पविसेइ / तत्थ रहंगनाहि प्पमाणं जलनिहिणो जलं गंतूण रहग्गस्थिअ-सारहिखलियहएहिं रहो चिट्ठइ / तओ सो आइरियो सीसमिव पुढवीवई धणुहं आणमिऊण गुणारूढं विहेइ , संगाम-नाडयारंभनंदिनिग्योससमं कालस्स य आहवणमंतमिव जीयाटंकारं सो कुणेइ, सरहिणो भालंतरालरइयतिलगसिरिसोहाहरं वाणं आकरिसित्ता निवो सरासणंमि निहेइ, वंकीकयधणुहस्स मझमि धुरा-भमगरं सरं महीनाहो कण्णपज्जंतं उवाणेइ, कण्णंतसमागयं 'हं किं कुणेमि' त्ति विण्णतितल्लिच्छं तं बाणं राया वरदामाहिवइं पइ विसज्जेइ। . सेल्लेहिं पडंतवइरभमेण, पण्णगेहिं गरुलभमेण, समुद्देण अवरवडवग्गिभमेण य सभयं पेक्खिो सो सायगो गयणं पयासिंतो दुवालसजोयणं गंतूण वरदामपइणो परिसाए 'उक्केव सो पडिओ / तया सो वरदामबई विदेसि-पेसियघायकारगनरमिव पुरओ पडियं तं बाणं पेक्खिऊण कुप्पइ, उच्छलंतसागरुब्व उब्भमिय-भमुह-तरंगिओ वरदामेसो उद्दामं वायं वएइ-केण अज्ज सुत्तो सिंघो पाएण फासिऊण प्रबोहिओ !, मच्चुणा अज्ज कास पत्तं वाइउं उक्खेविअं!, अहवा कुहिब जीवियवाओ उप्पण्णवेरग्गो को रहसा मम परिसाए सरं पक्खिवित्था ?, तं अणेणच्चिय बाणेण हणेमि त्ति वरदामराओ उहाय सको हत्थेण तं बाणं गिण्हेइ, तओ मागहाहीसरो इव सो वरदामेसरो चक्किस्स सरंमि ताई अक्खराइं पेक्खेइ, अही नागदमणिमिव ताई अक्खराइं पेक्खिऊण वरदामपई वि सज्जो उनसमेइ, इइ य बवेइ-किण्हसप्पस्स चेविलं दाउं उज्जओ मंडूगो पिच, दंतिणो सिंगेहिं पहरिउं इच्छंतो उरब्भो इव, दंतेहिं गिरिं पाडिउं इच्छमाणो हत्थिन मंदबुद्धी अहं भरहेण चक्कवट्टिणा सद्धिं जुझिउं इच्छामि, होउ, अज्जावि नो किंचि विणलु ति सो बवंतो दिव्वाई पाहुडाई उवाणेउं निए नरे समादिसेइ। तओ तं सरं अब्भुयाई च पाहुडाई गिहिऊण सो इंदो सिरिउसहज्झयं व भरहनरिंदै अभिगच्छेइ, सो नमिऊण तं एवं वएइ-हे पुढवीवइ! तुम्ह दूएणेव सरेण समाहूओ है इह समागच्छित्था, इहागयं तुमं भूमीस ! जओ सयं न समागओ, तओ अन्नाणिणो 1 सचित-व्याप्तम् / 2 उदाराकारधारिणो। 3 रथाङ्गम्-चक्रम् / 4 ज्यों / 5 शरधेः-तूणीरस्य / 6 उल्केव / 7 विद्वेषि०-शत्रुः / 8 उद्भ्रान्तभ्रतरङ्गितः / 9 चपेटाम् /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |