Page Text
________________ सिरिउसहनाहचरि काउं को इच्छेज्जा ?, गरुलस्स पक्खेहिं सिरोभूसणं विहेउं को इच्छइ ?, नागरायस्स सिरमणिमालं घेत्तुं को चिंतेइ ?, भाणुणो तुरंगमे हरिउं को वा वियारेइ ?, पक्खिराओ सप्पस्स गव्वं मिव तस्स दप्पं अहं हरिस्सं एवं बवंतो मागहाहिवो वेगेण उटेइ, बिलाओ उरगं पिव सो कोसाओ खग्गदंडं करिसेइ, करिसिऊण गयणमि धूमकेउब्भमप्पयं तं कंपावेइ / तक्खणंमि सागरवेलेव दुव्वारो अस्स सयलोऽवि परिवारो जुगवं सकोवाडंबरं उठेइ / तया केई खग्गेहि आगासं किण्ह-विज्जुमइयमिव कुणेइरे, केवि य निम्मल-'वसुनंदएहि अणेगमयंकमइयं गयणं कुणंति, केई अंतलिक्खमि कयंतदंतसेणीहिं निम्मिए इव अच्चंतनिसिए कुंते उल्लालंति, केई वन्हिजीहासरिसपरसुणो भभाडंति, केवि राहुसरिसभयंकरपज्जंतभागे मोग्गरे गिण्हेइरे, अण्णे वइर-कोडिपयंडसूलसत्थाई करंमि धरिति, अवरे जम-दंड-चंडे दंडे उक्खिवंते, केवि वेरि-. विप्फोडण-कारणं करप्फोडणं कुणेइरे, केइ उज्जियं मेहनायं व सीहनायं विहेइरे, . केवि हण हणत्ति, केइ गिण्ह गिण्ह त्ति, केइ य चिट्ठसु चिट्ठसु, केयण जाहि जाहि त्ति बवंति / इअ जाव तस्स परिवारो 'चित्त-संरंभचेट्ठो होत्था ताव अमच्चो तं बाणं सम्मं निरिक्खेइ, सो तत्थ सरंमि दिव्वमंतक्खराणी व महासाराई उदाराई अक्खराइं अवलोएइ, जहा रज्जेण जइ भे कन्ज, जीवियन्वेण वा जइ / . कुणेह णो तओ सेवं, नियसव्वस्स दाणओ // . ___ इअ सुरासुरनरिंदसमच्चिय-सिरिउसहसामिणो नंदणो अयं भरहचक्कवट्टी तुम्हाणं पच्चक्खं समादिसेइ / एवं मंती अक्खराइं ददतॄण ओहिणाणेणं य तं नच्चा सामिणो वाणं दंसिंतो उच्चएणं एवं बवेइ-भो भो सव्वे रायलोगा ! अवियारियकज्जकारीणं अंत्थबुद्धीए य सामिणो अणत्थदाईणं भत्तमाणीणं तुम्हाणं धिरत्यु, इह भरह खेत्तंमि पढमतित्थयरुसहसामिणो हि इमो भरहो पढमचक्कचट्टी अस्थि, स एसो दंडं मग्गेइ, इंदुब चंडसासणो य सो तुम्हाणं नियं सासणं धराविउं इच्छइ, कयाई समुद्दो सोसिज्जेज्जा, मेरुगिरी वि उद्धरिज्जेज्जा, कयंतो वि निहणिज्जेज्जा, दंभोली वि दलीएज्जा, वउवानलो वि विज्झाविज्जेज्जा तह वि कहंचण महीयलंमि चक्कवट्टी न जिणिज्जइ / तओ विउसवर ! देव ! मंदबुद्धी इमो लोगो वारिज्जउ, दंडो पउणीकीरउ, चक्क 1 उत्तमखङ्गविशेषैः / 2 उन्नमयन्ति / 3 'कोटिः-अग्रभागः / 4 चित्रसंरम्भचेष्टः / 5 युष्माकम् / 6 न:-अस्माकम् / 7 अर्थबुद्धया-हितबुद्धया /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |