Page Text
________________ भरहस्स दिसिजत्ताए निग्गमणं / 113 चर्मरयणं छत्तरयणं च निज्जाइ, अंधयार-विद्धंसणक्खमाई पहाहिं सूर-ससिणो इव दुण्णि मणि-कागिणीरयणाइं भूवइणा सह पचलेइरे,सुरासुरवरेसत्थाणं सारपुग्गलेहिं निम्मियं पिव भासुरं खग्गैरयणं नरिंदेण सह जायइ। तो चमूचक्केण परिवरिओ चक्कधरो भरहेसरो पडीहाराणुगो इव चक्काणुगो पहंमि गच्छेइ / तया जोइसिएहिं व अणुकूलेण पवणेण अणुकूलेहिं सउणेहिं पि तस्स सव्वओ दिसिविजओ सइओ। करिसगो हलेण पुढविं व सेण्णस्स पुरओ वच्चंतो सुमेणसेणाणी दंडरयणेण विसमं मग्गं समीकुणेइ, सेणुब्भवरय-कय-दुदिणं अंबरं रह-गय-पडागाहि बलागाहिं पिव सोहेइ, अपासिज्जमाणपज्जंता चक्कवटिणो सो सेणा सव्वत्थ वि अखलंतगई बीया गंगेव लक्खिज्जइ। दिसाविजयमहूसवकम्मर्ट संदणा चिक्कारसद्दे हिं, तुरंगमा हेसिएहिं, गया गज्जिएहिं अण्णुण्णं तुवरिति इव / सेणुक्खयधूलीए वि साईणं कुंता रयच्छाइयभाणुकिरणे हसंता इव पयासंति, भत्तिमंतेहिं आवद्धमउडनरवईहिं परिवरिओ रायकुंजरो गच्छंतो भरहनरीसरो सामाणियदेवेहि इंदोव्व विराएइ / तं च चक्कं जोयणपज्जते गंतूण अवचिदृइ, तओ य तप्पयाणाणुमाणाओ जोयणमाणं समुप्पण्णं / तओ जोयणपमाणपयाणेण वच्चंतो भरहनरि कइवयदिणेहिं गंगाए दाहिणकूलं पावेइ, तत्थ भरहनिवो निरंतर-विविह-निय-सेण्णनिवासेहिं गंगायड-विउलभूमि संकडीकुणंतो वीसामं विहेइ / तया मंदाइणीनईए तडमेइणी झरंतगय-मयजलेहिं पाउसकालु व्व पंकिला होइ, गंगानईए निम्मलप्पवाहे करिवरा वारिहिम्मि वारिधरुव्व सेच्छाए वारीई गिण्हेइरे, मुहूं मुहं अइवेगेण उप्पवमाणा तुरंगमा तरंगभमदाइणो तत्थ सिणायंति, परिस्समाओ अब्भंतरसंपविट्ठ-गयाऽऽस-महिस-वसहेहिं वीसुं सा सरिया जायनूयण-मगरा इव कीरइ, तडस्थिअनरिंदं सिग्धं अणुकूलं होउं इच्छंतीव गंगा तरंगसंजायसीयरेहिं सेणाए परिस्समं हरेइ, महीभुयस्स तीए महईए सेणाए सेविज्जमाणा गंगा वि अरीणं जसो इब सज्जो किसी होइ, भागीरहीतीरुप्पण्ण-देवदारुरुक्खा तस्स सेण्णगयरायाणं जत्तेणं विणा आणालथंभयं जंति, तक्खणे हत्थारोहा हत्थीणं कए आसत्थ-सल्लगी-कण्णिआरु-उंबरपल्लवे परसूहि छिदंति, सेणीभूया सहस्ससो निबद्धा वाइणो उण्णयकण्णपल्लवेहिं तोरणाई कुणमाणा इव विरायंति, आसपालगा बंधणं व आसाणं पुरओ जवेण 'मउट्ठ-मुग्ग-चणग-जवप्पमुहाणि णिहिति, विणीयानयरीए इव तत्थ सिबिरंमि तया चच्चराइं तिगाइं च हटागं च पंतीओ हवंति, चारुपडविणिम्मिय-गूढ-मह-थूल 1 श्रेष्ठशस्त्राणाम् / 2 अम्बरम्-गगनम् / 3 सादिनां-अश्ववाराणाम् / 4 मन्दाकिनीनद्याः-गंगानद्याः। 5 परिश्रमात् / 6 आनालस्तम्भताम् / 7 अश्वत्थ-सल्लकी-कर्णिकारो-दुम्बरपल्लवान् / 8 मकुष्टः-मठ /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |