Page Text
________________ सिरिउसहनाहचरिए उव्वहँति / तओ काई हत्थुद्धरिअसुवण्णजलकुंभाओ सुंदरीओ, कीओ विय रययमइयपयकलसे धरतीओ अंगणाओ, अन्नाओ य नीलुप्पलब्भमकारि-इंदनीलपयकुंमे चारुपाणीसुं धरतीओ इत्थीओ, अवरा य नह-रयण-पहाजाल-चड्ढमाणाहिगसोहिरे कुंभे धरतीओ ललणाओ सुगंधिपवितंऽबुधाराहिं पुढवीपइं देवया जिणिंदमिव कमेण ण्हवेइरे। भरहस्स दिसिजयटुं पयाणं अह कयसिणाणो भूवालो कयदिव्वविलेश्णो सेयवसणेहिं सोहिओ, णेलाडपट्टे जसदुमस्स परोहंताहिणवंऽकुरं पित्र चंदणतिलगं धरंतो, नियजसपुंजनिम्मलयर-मुत्तामइयालंकारे महंततारागणे गयणं पिच उव्वहंतो, कलसेण पासाओ विव किरणजालवीलिय-उण्हंसुणा किरीडेण विहूसिओ, परंगणाकरकमलेहिं मुहूं उक्खिविज्जमाणेहिं कण्णुत्तंसायमाणेहिं चामरेहिं विराइओ, सिरिगेहपोम्मरपउमदहेण हिमवंतो गिरीव. सुवण्णकुंभधर-सेय-च्छत्तेण उवसोहिओ, पतिहारेहिं पिव सव्वया सव्वओ संणिहिय-भत्तसोलसजक्खसहस्से हिं परिवरिओ, उत्तुंगकुंभसिहर-थगिय-दिसाणणं हत्थिरयणं वासवो एरावणं पिव आरोहेइ। तक्खणंमि उज्जियं गतो सो गयराओ उद्दाम-मय धाराहिं अवरो धाराधरो इव होत्था। पाणिणो उक्खेविऊण गयणं पल्लवियं कुणंतेहिं बंदिबुंदेहिं जुगवं जयजपारवो कुणिज्जइ / अह ताडिज्जमाणदुंदुही उच्चअं नदंतो पहाणगायगो गाइगाओ इव दिसाओ वि नदावेइ / नीसेस-सेणिगाऽऽहवणकमि दुईभूयाई अवराई पि मंगलियवर-तुरियाई पणदंति। धाउसहियगिरीहिं पिव सिंदूरधरकुंभेहिं गएहिं, अणेगख्वधररेवंताऽऽसभमकरेहिं तुरंगेहि, नियमणोरहेहिं पिव बिसालमहारहेहि, सीहेहिं पिव वसंवयमहापरकमपाइक्केहिं च सह महीवालो सइण्णुत्थपरहि दिसं पच्छायणवत्थमिव कुणंतो पुव्वं पुष्वदिसं चलेइ / चक्कीणं रयणाई तंमि समए जक्खसहस्साऽहिट्ठियं चक्करयणं भाणुबिंबमिव नहंमि चलंतं सेणाए पुरओ चलेइ, तओ दंडेरयणधरो नामेणं सुसेणो सेणाणीरयणं आसरैयणं आरोहिय चक्कमिव चलेइ, नीसेस-संतिय-विहिम्मि मुत्तिमंतो संतिमंतुव्य पुरोहरयणं भरहनरिदेण समं चलेइ, सेण्णमि पइनिवासं दिव्वभोयणसंपायणक्खमं गिहवइरयणं जंगमा दाणसालेव गच्छइ, खंधावाराइकम्मं सत्तरं निम्माउं 'वीसकम्मेव खमो वढ्टइरयणं नरिंदेण सह वच्चेइ, चक्कवट्टिणो सयलखंधावारपमाग-वित्थरणसत्तिमंतं अच्चम्भुयं १.ललाटपट्टे। 2 वीडितोष्णांशुना। 3 शान्तिकविधौ। 4 शान्तिमन्त्र इव पुरोधारेत्नम् / 5 सत्वरम् / 6 विश्वकर्मेव-देवशिल्पीव /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |