Siri Usahanahchariyam

SR No.: 004443
Original Sutra Author: N/A
Author: Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir
Publication Year: 1968
Total Pages: 250
Language: Sanskrit
Classification: Book_Devnagari
File Size: 6 MB

Page 125

सिरिउसहजिणस्सः देसणा। भरहनरिंदकयजिणथुई जयाहिलजगन्नाह !, जय विस्साऽभयप्पय ! / जय पढमतित्थेस !, जय संसारतारण ! // अज ओसप्पिणी-लोग-पउमागरदिवागर ! हे पहू ! तुमम्मि दिट्ठम्मि पणहमोहस्स मज्झ पभायं संजायं, कारुण्ण-खीर-सागर ! हे नाह ! जे तुम्ह सासणमहारई समारोहंति, तेसिं लोगग्गपयं दूरम्मि न / देव ! जत्थ निक्कारणजगबंध तुम पच्चक्खं दीसइ, तो लोअग्ग-थाणाओ वि संसारं पहाणं मण्णेमो। नाह ! 'भव्वजंतु-चित्त-जल-निम्मल-कारण-कैयग-चुण्ण-सरिसा तुम्हाणं वाणी जयउ', सामि ! भवंतदसणमहाणंद-रस-नीसंदिर-लोयणेहिं लोगेहिं संसारे वि मोक्खमुंहाऽऽसाओ अणुभविज्जइ / पहु ! रागदोस-कसायप्पमुहवेरीहिं संरुद्धं इमं जगं अभयदाणदाणसालिणा तुमए च्चिय उव्वेढिज्जइ, नाह! नाणाऽवक्खंद-संगाम-हय-गामभूमिणो इमे राइणो मित्तत्तणं पाविऊण इह तुम्ह परिसाए चिढेइरे, तुह परिसाए आगो अयं करडी करेण केसरिकरं करिसित्ता करडथलिं मुहूं कंडुएइ, इओ य अयं महिसो महिसं मिव •मुहं मुहं नेहाओ जीहाए हेसंतं यं पमज्जइ, इओ य इमो हरिणो लीला-लोलियणगूलो उक्कण्णु-नमियाणणो घाणेण वग्धवयणं जिग्घेइ, अयं तरुणमंजारो पासेसुं अग्गो पच्छा ललतं मूसगं नियबालुब्ध समासिलिसेइ, अयं च निभओ भुजंगमो देहं कुंडलीकाउं नउलस्स समीवे वयंसो विव निसीएइ, देव ! अण्णे वि जे के वि जाइवेरिणो जीवा वेररहिआ इहयं चिटुंति, एयं हि तुम्हाणं असमो पहावो इअ जगनाहं थुणिऊण अवसरिऊण अणुक्कमेण भरहनरिंदो सुरवइणो पिट्ठओं निसीएइ / एयंमि जोयणमेत्ते वि खित्तंमि पाणीणं कोडाकोडीओ तित्थनाहप्पहावाओ निराबाहं मायति / उसहणाहो सव्वभासाफरिसिणीए जोयणेगामिणीए गिराए पणत्तीसाइसयजुयं देसणं विहेइ / उसहजिणस्स देसणा, संसारसरूवं च आहि-वाहि-जरा-मच्चु-जाला-सय-समाउलो / पलित्तागारकप्पोऽयं संसारो सव्वदेहिणो // तओ एत्थ मणयंपि विउसाणं पमाओ न जुज्जइ, रत्तीए उल्लंघणीए मरुत्थलंमि बालो वि को एत्थ पमज्जेज्जा ? / इह अणेग-जोणि-भीसणा-ऽऽवद्याउल. 1 कतकचूर्ण - निर्मलीफलचूर्णम् / 2 सुखास्वादः / 3 उद्वेष्ट्यते-कर्मबन्धनाद् विमुच्यते / 1 करटी-हस्ती / 5 करटस्थलीम्-गण्ड स्थलम् / 6 हयम्-अश्वम् / 7 लागूलः /