Page Text
________________ 100 सिरिउसहनाहचरिए मरुदेवाए सइ भरहस्स सामिवंदणढं आगमणं अह भरहो ताणं जहोइयं पुक्खलं पारितोसियं दाऊण ते विसज्जिऊण मरुदेविं वएइ---हे देवि ! तुं सव्वया वि करुणक्खरं इमं कहित्था 'जं मज्झ पुत्तो एगगो भिक्खाहारो दुक्खभायणं सिया' अहुणा तेलुक्क-सामित्तण-भाइणो तस्स नियपुत्तस्स समिद्धिं पासाहि' ति वोत्तूणं तं मरुदेवि गयवरं समारोहेइ, तओ मुत्तिमंतसिरिमएहिं सुवण्ण-वज्ज-माणिक्कभूसण-भूसिएहिं तुरगेहिं गयवरेहिं पाइक्केहिं रहेहिं च स चलेइ, भूसण-पहा-पुंज-कय-जंगम-तोरणेहिं सेण्णेहिं समं चलमाणो भरहनरवई दुराओ वि रयणमइअं-झयं पुरओ पासेइ / अह भरहो मरुदेवं वएइ-देवि ! देवेहि विनिम्मियं इमं समोसरणं अग्गओ पासेसु, तायपायकमलसेवामहूसव-हेउ-समागयाणं देवाणं अयं जयजयारावतुमुलो सुणिज्जइ, हे मायरे ! पहुणो वेयालिओ इव गहीरमहुरं झुणिं कुणंती इमा दिव्वा दुंदुही हिययाणदं जणेइ, सामिपायपंकय-वंदारु-बुंदारगविमाणुप्पण्णो महतो किंकिणीनाओ कण्णगोयरो होइ, पहु-दसण-पहिट-देवगणाणं जलहराणं थणियं पिव सिंघनाओ गयणमि सुणिज्जइ, गंधव्वाणं गाम-रागपवित्तिया इयं गीई सामिदेसणाए किंकरी पिव अम्हाणं हरिसं अज्ज पोसेइ / मरुदेवीए मोक्खो____ तओ एयं सुणमाणीए मरुदेवीए हरिसंसु-जल पवाहेहिं नयणाणं पंकुव्व नीलिगा विलीणा, सा नंदणस्स अइसय-समन्नियं तित्थयरलच्छिं पासेइ, पासिऊण तदसणसंजायाणंदाओ सा तम्मइयत्तणं संपत्ता, तक्खणंमि अपुव्वकरणकमेण खवगसेणिं समारोहिऊण खीणटुकम्मा जुगवं केवलनाणं पावेइ, गयवर-खंधारूढा चिय सामिणी मरुदेवा अंतगडकेवलित्तणेण सिवं अयलं अरुयं अणतं अक्खयं अव्वाबाहं सिद्धिगइनामधेयं ठाणं पावेइ, एयाए ओसप्पिणीए एसा मरुदेवा पढमा सिद्धा, तओ देवा तीए देहं सक्कारित्ता खीरसमुद्दम्मि निहेइ / तओ पभिई लोगम्मि मयगपूअणं पवट्टिअं, 'महंता हि जं कुणंति तं आयरणाय पकप्पइ' / तओ तीए मोक्खसंपत्ति वियाणित्ता भरहनरिंदो अब्भच्छाय-मूरतावेहिं सरयकालुव्व हरिस-सोगेहिं समं भरिज्जइ, तओ सो सपरिच्छओ पाइको होऊण रायचिन्हाई संचइत्ता उत्तरदुवारेण समोसरणं पविसेइ, तया भरहनरिंदेण चऊहिं देवनिकाएहिं परिवरिओ नेत्त-चओरचंदो सामी दिट्ठो, तिउणपयाहिणं काऊणं भगवंतं पणमित्ता मत्थयंमि निबद्धंजली भरहचक्की इअ थुणिउं पक्कम्मेइ 1 मूर्तिमत्-श्रीमयैः / 2 वैतालिक इव /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |