________________ मरुदेवाए विलावो अहो ! कटु अहो कडं, जं मे पुत्तो 'तवच्चए / पोम्मखंडु व्व मउओ, सहए जलुवद्दवं // सीयाले हिम-संपाय-किलेस-विवसं दसं / अरण्णे मालई-थंबो, इव जाइ निरंतरं // उण्हयाले पयंडेहिं, किरणेहिं च भाणुणो / संतावं चाणुहवइ, थंबेरमो इवाहिगं // ता एवं सव्वकालेसुं, वणेवासी निरासओ। तुच्छजणो व्व एगागी, वच्छो मे दुक्खभायणं // एवं तैय-तय-दुक्खाउलं वच्छ नेत्ताणं पुरओ इव पासंती तुम्ह अग्गो वि एवं वयंती हा ! तुम पि अहं मेमि इअ वयंतिं दुहवाउलं. मरुदेवि देवि भरहो कयंजली सुहासरिच्छवायाए वएइ-हे देवि ! 'थिरिमगिरिस्स वइरसारस्स महासत्तसिरोमणिस्स तायस्स जणणी होऊण एवं किं तम्मेसि ?, ताओ सहसा संसारसमुदं तरिउं समुजओ कंठवद्धसिलासरिसे अम्हे इह थाणंमि पहू चइत्था / वर्णमि विहरंतस्स भत्तुणो पहावाओ सावयगणा अवि पाहाणघडिया इव उवदवं काउं न अलं / खुहापिवासाऽऽयवाइणो दूसहा जे परिसहा, ते वि कम्मवेरिविणासणे तायस्स खलु सहेजकारिणो च्चिय / मम वायाए न वीससेसि, तह वि हि तायस्स अइरा संजायकेवलनाणमहूसवकहाए वीससिस्ससि / भरहनरिंदस्स पुरओ सामिणाणुप्पत्तीए चक्करयणुप्पत्तीए य जुगवं निवेअणं एत्थंतरम्मि 'वेत्तिएण जाणाविआ नामेण जमग-समगा दुण्णि पुरिसा महीवइस्स पुरओ समागच्छेइरे, तत्थ जमगो पणमिऊण भरहनरिंदं निवेएइ-'देव ! पुरिमतालनयरे सयडाणणंमि उज्जाणे सिरिजुगाइपहुपायाणं केवलनाणं समुवणं ति एयाए कल्लाणकहाए अज्ज पुण्णोदएण वड्ढसु' / समगोवि नमंसिऊण उच्चसरेण विण्णवेइ-हे देव ! एण्डिं आउहसालाए चक्करयणं उप्पण्णं, एवं सोच्चा नरिंदो 'इओ संजायकेवलो ताओ, इओ य चक्करयणं उप्पण्णं, पढम कास पूअणं करोमि' ति खणं झियाइ, तो 'सयलजीवाभयदायगो ताओ कत्थ ?, कत्थ जीवघायगं चकं ति विमंसित्ता सामिपूअणनिमित्तं सो नियजणे आदिसेइ / - 1 तपात्यये-वर्षाकाले / 2 शीतकाले / 3 स्तम्बरमः-हस्ती। 4 तत्तद्दुःखाकुलम् / 5 दूनोमिदुःखितं करोमि। 6 स्थैर्यगिरेः / 7 अचिरात्। 8 वैत्रिकेण-द्वारपालेन /
