Siri Usahanahchariyam

SR No.: 004443
Original Sutra Author: N/A
Author: Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir
Publication Year: 1968
Total Pages: 250
Language: Sanskrit
Classification: Book_Devnagari
File Size: 6 MB

Page 121

Q9 इंदकयजिणथुई। जगणाहो चेइयरुक्खस्स पयाहिणं कुणेइ 'नमो तित्थस्स' त्ति वोत्तूण जग-मोहंधयारविच्छेदणत्थं सूरो पुव्वायलमिव पुव्वमुहो पहू सिंघासणं आरोहेइ, तक्खणंमि अण्णासु वि तीसुं दिसासुं वंतरदेवा रयणसीहासणत्थाई तिण्णि भगवंतपडिबिंबाई करिति, ते देवा पहुस्स अंगुट्ठस्सावि सरिसरूवं निम्मिउं न समत्था, पुणो ताणि पडिबिंबाई सामिपहावओ पहुरूवसरिच्छाई जायते / तया पहुणो सिरपच्छाभागे पगासमइयं भामंडलं पयडीहोइ, जस्स पुरओ सूरमंडलं खज्जोयबालो इव सिया / गयणे पइस देहिं चउरो वि दिसाओ भिसं मुहरंतो मेहुव्व गहीरो दुंदुही नएइ / 'धम्ममि अयं भगवं एक्को चिय सामी' इअ उड्ढीकयभुओ रयणमइओ प्रओ पहुणो अग्गम्मि विराएइ / . ___ अह वेमाणियदेवीओ समोसरणम्मि पुव्वदुवारेण पविसित्ता पयाहिणतिगं काऊणं तित्थनाहं तित्थं च नमिऊण पढमपागारंमि साहूणं साहूणीणं च ठाणं पमोत्तूणं तयंतरम्मि 'पुव्वदाहिणदिसाए उड्ढत्थिा चिट्ठति, भवणवइ-जोइसिय-वंतर-देवंगणाओ दाहिणबारेण पविसिऊण तेण विहिणा कमेण 'दाहिण-पच्छिमदिसिभागे चिहिरे, भवणवइ-जोइसिय वंतरसुरा पच्छिमदुवारेण पविसिय पुन्वविहिणा वायव्वदिसाए संचिठेइरे, वेमाणियदेवा नरा नारीओ य उत्तरदिसादारेण पविसिउआण तेण चिय विहिणा उत्तरपुरस्थिमे अवचिठेइरे। तत्थ समोसरणमि पढमं समागओ अप्पड्डिओ सो महहिढ समागच्छंतं नमेइ, सोवि महड्ढिओ पुव्वं समागय अप्पढि साहम्मियत्तणेण नमंतो चिय गच्छेइ / तत्थ समवसरणंमि कास वि 'निअंतणं न सिया, विकहा न, विरोहीणं पि परुप्परं मच्छरियं न, भयं च न होज्जा / बिइयपागार:भंतरे तिरिअंचा चिटुंति, तइयपागारमज्झम्मि वाहणाई संति / तीयपागारबाहिरभागम्मि तिरिय-नर-देवा के वि पविसंता केवि य निग्गच्छंता हुंति / इंदकयउसहजिणथुई अह सोहम्मकप्पिंदो, नमंसित्ता कयंजली। रोमंचिओ जगन्नाहं, इअ थोउं पयट्टइ // सामि ! बुद्धिहीणो अहं कत्थ ? कत्थ य तुमं गुणगिरी ?, तह वि भत्तीए मुहरीको अहं तुमं थुणिस्सामि / अणंतदसण-नाण-वीरिया-ऽऽणंदेहिं रयणेहिं रयणागरो 1 अग्निकोणके / 2 नैतकोणके / 3 उत्तरपौरस्त्ये-ईशानकोणके / 4 नियन्त्रणं-बन्धनम् /