Page Text
________________ सिरिउसहनाहचरिए देववावीजले सुवण्णमइआई पंकयाई इव रेहंति / वप्पत्तयमई सा समोसरणभूमी भवणाहिवइ-जोइसिय-वेमाणिय-देवसिरीणं एकिककुंडलसरिसा विभाइ / तत्थ पडागावंदविराइआ माणिकतोरणा किरणजालेहिं विरइयाऽवरपडागा इव संति / पइवप्पं च चत्तारि गोपुराई चउन्विहधम्मस्स कीला-वायायणा इव पयासिति, दुवारे दुवारे वंतरामरेहिं इंदनीलमणिथंभाइय-धूम-लयाउ मुंचंतीओ धूवघडीओ मुक्काओ, तह तेहिं पइदुवारं 'दुवारचउक्कधरो समोसरणपागारो इव चउद्दारवई सुवण्णपंकया वावी विउन्चिया, बिइयपागारमझमि उत्तरपुरच्छिमदिसाए सामिवीसामनिमित्तं ते देवा देवच्छंदं विउबिरे / तत्थ पढमवप्परस पुबदुवारंमि उभयपासेसुं दुण्णि सुवण्णवण्णा वेमाणियदेवा दुवारपाला चिटंति, तस्स चिय दाहिणदार-उभयपासेसु दोणि सेयवण्णा वंतरदेवा अण्णुण्णपडिबिंबिया इव दुवारपालगा चिटेइरे,तस्स य पच्छिमदारे उभयपासाओ दुवे रत्तवण्णा जोइसियदेवा संझाए ससि-रविणो इव दुवारपाला संचिटुंति, तस्स य उत्तरदुवारपासेसुं दुण्णि किण्हवण्णा भवणाहिवइदेवा समुण्णया मेहा इव पडिहारा चिट्टेइरे / बीयपागारे पुव्वकमेण चऊसु वि दुवारेसु अभय-पास-अंकुस-मुग्गरहत्थाओ कमेण य चंदकंत-सोणमणि-सुवण्ण-नीलमणिप्पहाओ जया विजया अजिया अवराइया य देवीओ चिटंति, अंतिमपायारे पइदुवारं तुंचुरू खटुंगधरो नर-सिर- मालाधरो जडा-मउडमंडिओ इअ चउरो देवा पडिहारा चिठेइरे / समोसरणस्स मज्झभागमि वंतरदेवा रयणतिगोदयं उद्दिसंतं पिव कोसत्तिगुच्चयं 'चेइयतरं विउव्वंति, तस्स य हिटॅमि विविहरयणेहिं पीढं विहेइरे, तस्स य पीढस्स उवरिं अपडिम-मणिमइयं 'छंदगं कुणंति, तस्स य मज्झभागंमि पायपीढिगासहियं सव्वसिरीणं सारं इव रयणसिंहासणं रएइरे, तस्स य सिंघासणस्स उवरिं सामिणो तिजग-पहुत्तण-सूयगचिन्ह मित्र निम्मलं छत्तत्तयं ते विउविति, तत्थ य सीहासणस्स दोसु पासेसु दुण्णि जक्खा हियए अमायंते बाहिरभूए सामिभत्तिभरे इव दोणि चामरे धरेइरे। तओ समोसरणदुवारंभि अच्चम्भुयपहाभासियं सुवण्णपंकयसंठियं धम्मचक्कं विउविति, तत्थ अन्नं पि जं तं सव्वं वंतरदेवा विहेइरे, जओ साहारणसमवसरणंमि ते देवा अहिगारिणो / अह पभायकाले चउविहदेवाणं कोडीहिं परिवरिओ भयवं समोसरिउं चलेइ, तया सुरा सहस्सपत्ताइं सुवण्णमइयाइं नवकमलाई रयंति रइत्ता सामिणो य पुरओ ठवेइरे, पहू ताणं दोसुं दोसु सुवण्ण-पंकएसु पयन्नासं विहेइ, देवा य सेसाई कमलाई आसु आसु पुरओ संचारिति, एवं संचरंतो सामी पुबदुवारेण समोसरणं पविसेइ, तओ .1 स्तम्भायित / 2 द्वारचतुष्कभृत् / 3 अशोकतरुम् / 1 छन्दकम-वेदिकाकारासनविशेषम् /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |