Page Text
________________ सिज्जंसकुमारस्स पढम दाणं / जगसामिस्स पयाहिणतिगं विहेऊण हरिस-अंसुजलेहिं चलणे पक्खालिंतो इव नमेइ, तओ सो पुरओ उहाय 'चओरो पुण्णिमाचंदमिव हरिसेण सामिणो मुहपंकयं पेक्खेइ, पेक्खिऊण 'मए एरिसं लिंगं कत्थ वि दिटुं' ति चिंतमाणो सो विवेगतरुस्स बीयं जाइस्सरणं पावेइ, एवं च णाय जं पुनविदेहमि अयं वइरनाहो भयवं चक्कवट्टी होत्था तया अहं इमस्स सारही संजाओ, तंमि भवंमि सामिणो वइरसेणो नाम पिया एरिसं तित्थयरलिंग धरितो मए दिट्ठो, तस्स वइरसेणस्स पायपउमंते सो वइरणाभो पव्वज्ज गिण्हित्था, अहंपि इमस्स पिट्टओ दिक्खं गहियवंतो / वइरसेणस्स अरिहंतस्स मुहाओ अहं इअ सुणित्था एसो वइरणाहो भरहखेतमि पढमतित्थयरो होहिइ' / तओ अमुणा सामिणा सह सयपहाइणो भवे अंह भमिओ। अहुणा एसो सामी मज्झ पपियामहो वइ / समत्तजगपाणीणं मं च अणुगहिउँ पच्चक्खं मोक्खो इव समागओ एस सामी अज्ज मए पुण्णोदएण दिट्ठो / एत्थंतरंमि केणइ पुरिसेण नव-इक्खुरससंपुण्णा घडा हरिसेण कुमारस्स पाहुडंमि दिण्णा / तओ जाईसरेण विण्णायसुद्धभिक्खादाणविही सो सिज्जंस-कुमारो पहुं वएइ-'भयवं ! कप्पणिज्जो अयं रसो गिहिज्जउ / पहू वि अंजलिं काऊण पाणिपत्तं धरेइ, सो वि सिज्जंसकुमारो इक्खुरसंकुंभे उक्खिवित्ता उक्खिवित्ता भगवंतस्स करपत्तंमि रसं निक्खेवेइ, भगवओ पाणिपतमि भूइट्ठो वि रसो माइ, परंतु सिज्जंसस्स हियए हरिसो न मायइ / तया सामिणो अंजलिंमि गयणंमि लग्गसिहो इक्खुरसो थिण्णीभूओ थंभिओ होत्था, 'पहवो खलु अचिंतणिज्जपहावा हुंति' / तओ तेण भगवया तेण रसेण पुणो सुरासुरनराणं नयणेहिं भगवतस्स दसणाऽमियरसेहिं च पारणं कयं / तया सिज्जसँसेयाणं पसिद्धिकरा वेयालिआ इव गयणे पडिणायवुढिपत्ताओ दुंदुहीओ नदंति / आणंद-संभूय-जण-नेत्त-अंसुवुट्ठीहिं समं देवकयरयणवुडीओ सिज्जसमंदिरंमि संजायंति / सामिचरणपवित्तियं पुढवि पूइउं पिव आगासाओ देवा पंचवण्णपुप्फवुडि पि तणेइरे / तया सुरा सयलकप्परुक्खकुसुम-णीसंदिरेहिं पिव संचिएहिं गंधंबूहि बुडि कुणंति / सुरवरेहिं पयासंतविचित्तअब्भमइयं पिव गयणं कुणंतो चामरसरिसो चेलुक्खेवो किज्जइ। एवं वइसाहसुक्कतइयाए तं दाणं अक्खयं आसि, तो 'अक्खयतइय' त्ति पव्वं अज्जावि पवट्टइ / इमाए ओसप्पिणीए भरहखेत्तंमि असेसववहारनयमग्गो जह उसहसामित्तो पउत्तो तह अवणीए दाणधम्मो सिज्जंसकुमाराओ पयडीभूओ / अह सामिणो पारणाओ देवाणं च संपायाओ विम्हिया रायाणो अन्ने य पउरा सिज्जसमंदिरे समागया। ते य कच्छ-महा 1 चकोरः-पक्षिविशेषः / 2 स्त्यानीभूतः-कठिनीभूतः। 3 'श्रेयसाम्। 4 वैतालिकाः-स्तुतिपाठकाः / 5 सम्पातात्-आगमनात् /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |