Page Text
________________ सिरिउसहनाहचरिए विण्णवेइ-हे सामि ! मज्झ गेहे समुवविसिऊण दुऊलाई पवित्तेसु / कोई एवं बवेइदेव ! अम्हाणं देवंगणोवमं कण्णं गिण्हेसु, हे पहु ! तुम्हाणं समागमाओ अम्हे धण्ण म्ह / कोवि वएइ-हे रोयकुंजर ! कीलाए वि कएण पायचारेण किं ?, इम सेलसरिसं कुंजरं आरोहेसु / को वि जंपेइ-हे विहु ! आइच्चहयसरिसे मम तुरंगमे गिण्हसु, 'आइत्थाऽगहणाओ अम्हे अजोग्गे किं विहेसि ? / कोवि बोल्लेइ-हे नाह / जच्चतुरंगमेहिं सहिए रहे गिण्हाहि, पायचारिम्मि पहुम्मि इमेहिं णणु किं कायव्वं ? / को वि विण्णवेइ-अम्हाणं अमूई पक्काई सहयारफलाई गहाहि, पणइजणं मा अवमण्णाहि / को वि भासेइ-इमाई तंबोलवल्लीपत्ताई 'कमुगाई च गिण्हेसु, एगंतवच्छल ! पसीएमु / कोइ एवं भासेइ-हे सामि ! मए किं नु अवरद्धं, जं असुणंतो इच उत्तरं न पयच्छसि ? इअ पत्थिज्जमाणो अकप्पणिज्जत्तणेण किंपि अगिण्हंतो पहू चंदो रिक्खं रिक्खं पिव गेहं गेहं उवेइ / तया पच्चूसकाले नियमंदिरसंठिओ सेज्जंसो पक्खीणं पिव पउराणं कोलाहलं सुणेइ / 'किं एयं' ति पुट्ठो वेत्तियपहाणो पुरोहोऊण कयंजली इम विण्णवेइ-जो नरिंदेहिं पिव मउडफासियभूयलं पायपीढपुरओ लुढंतेहिं दिढभत्तिमंतेहिं . इंदेहिं सेविज्जइ, जेण भाणुणा पयत्था इव लोगेसु इक्काणुकंपाए आजीविगोवाय-कम्माई दंसिआई, तया पध्वज गिहिउं इच्छमाणेण जेण नियसेसा इव इमा भूमी विभइत्ताणं भरहाईणं तुम्हाणं च दिण्णा, जो सयं सव्वसावज्ज-परिहारओ कम्मट्टग-महापंक-सोसणगिम्हाऽऽयवसरिसंत गिहित्था,वयाओ आरंभिऊण अयं नाहोनीसंगो ममयारहिओ निराहारो चलणेहिं महिं पावितो विहरेइ / सूरायवाओ नो उब्बिएइ, छायं नाणुमोएइ, अयं सामी गिरिव्व उभयत्थ वि तुल्लो चिय अस्थि / अयं सीयाओ न विरज्जइ, असीए य न रज्जइ, वज्जदेहो इव सामी जहिं तहिं च अवचिट्ठइ / जुगमेत्तं निहियदिट्ठी कीडियपि अमदंतो संसारकरिकेसरी पायचारं एसो कुणेइ / पच्चक्खं निद्देसणिज्जो तिजगदेवो अयं तुम्ह पपियामहो सोहग्गवसाओ इह आगओ अत्थि / अणुगोवालं गावीणं पिव अमुं सामि अणुधावंताणं सयलपउराणं एसो अहणा महरो कल-कलसद्दो सुणिज्जइ / आगच्छंतं पहुं दट्टणं जुवराओ वितंमि खणंमि ‘पाइक्के वि अइलंघमाणो पायचारेण धावेइ, छत्तोवाणहं परिचइता जुवराए धावमाणे छत्तोवाणहरहिया परिसा तस्स छाया इव अणुधावेइरे / संभमाओ उल्ललंत-चवलकुंडलो सो युवराओ सामिणो अग्गे पुणो बाललीलं कुणंतो इव सोहेइ, गिहंगणसमागय-सामिणो पायपंकए लुढिऊण सो सिज्जंसकुमारो भसल-भमकारीहिं केसेहिं पमज्जेइ, तओ सो उहाय . 1 आतिथ्या' / 2 क्रमुकाणि-पूगीफलानि। 3 ऋक्षम्-नक्षत्रम्। 4 वैत्रिक'-द्वारपाल। 5 उद्विजते / 6 पदातीन् / 7 छत्रोपानहम्। 8 पर्षद् /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |