Page Text
________________ उसहपहुणो पढमा भिक्खा / उव्वंतमिव गिहत्थाणं आहारं अफासंता चउत्थ-छट्ठाइतवसा परिसोसिअधाउगं किसयरं 'रित्त-भत्थुवमं देहं धरंता, पारणदिवहे वि जिण्णपण्णफलाई भुंजमाणा हिययमझमि भयवंत-पाय-पउम्माई झायमाणा अणण्णगइगा चिट्ठति / उसहपहुणो पढमा भिक्खा, सिन्जंसकुमारस्स पढमं दाणं च भयवंतो वि अज्ज-अणज्जदेसेसु निराहारो मोणेणं संवच्छरं जाव विहरमाणो इमं चिंतेइ-तेल्लेण पदीवा इव, वारिणा तरुणो इव पाणीणं सरीराइं आहारेण च्चिय वटुंते / बायालीसभिक्खादोसेहिं अदोसिओ आहारो महुगरीए वित्तीए जोग्गकाले साहुणा गिण्हियन्यो, अइकंतदिणेसु इव अज्ज वि जइ वा आहारं न गिण्हेमि किंतु अभिग्गहेण जइ चिहिस्सामि तया अमुणो कच्छ- महाकच्छाइणो चउरो सहस्सा अभोयण-पीलिया इव अवरे मुणिणो वि सामण्णं चइस्संति एवं सामी मणंसि चिंतिऊण भिक्खत्थं तो चलिओ, कमेण पुरमंडलमंडणं गयपुरनयरं पाविओ / तमि पुरंमि बाहुबलिपुत्तस्स सोमप्पहराइणो तणएण सेज्जंसकुमारेण तया सुमिणमझमि परिओ सामलो सुवण्णगिरी मए खीरकुंभेहिं अहिसिंचिऊण अहिंगो उज्जलो विहिओ त्ति दिटुं / तह सुबुद्धिसेट्ठिणा आइच्चाओ किरणसहस्सं चुअं सेज्जसेण तत्थ निहियं, तेण सूरो वि अइभासुरो संजाओ त्ति पेखिों / सोमजसेण राइणा एगो सुहडो बहूहिं परेहि समंतओ रुद्धो परं सेज्जंसकुमारसहेज्जेण जयं पत्तवंतो त्ति विविखयं / तओ ते तिण्णि वि सहाए मझमि अण्णमण्णस्स सुमिणे निदिसंति, ताणं निण्णयं अजाणमाणा ते पुणो नियं नियं ठाणं गच्छित्था / तया सामी तयसुमिणनिण्णयं पयडीका पिव हत्थिणाउरनयरं भिक्ख पविसेइ, तया सो उसहपहू संवच्छरं निराहारो उसहलीलाए आगच्छमाणो संजायहरिसेहि पउरजणेहि दिट्ठो, तो तेहिं उहाय उहाय ससंभमं धाविऊण धाविऊण देसंतरागयबंधुव्व सामी वेढिओ / को वि वएइ-हे भयवं एहि, अम्हाणं घराई अणुगिण्हसु, जओ हे देव ! वसंतूसवो इव दीहकालाओ तुमं निरिक्खिओ असि' / कोवि कहेइ-'हे देव ! हवणिज्ज वसणं जलं तेल्लं 'पिट्ठायगो य सज्जियं, हे सामि ! हाएसु, अम्हाणं पसीअसु / कोवि बोल्लेइ-हे नाह ! जच्चचंदण-कप्पूर-कत्यूरी-जक्खकद्दमाइदव्वाणं अप्पणो उवओग-गहणेण मम कयत्थेसु / कोवि साहेइ-हे जगरयण ! अम्हाणं रयणालंकरणाई नियंगाऽहिरोवणाओ अलंकुणेसु, हे सामि ! किवं करेहि / कोवि एवं 1 रिक्तभत्रोपमम् / 2 पिष्टातकः-केशरादिसुगन्धिद्रव्यम् / 3 कृतार्थय।
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |