Page Text
________________ सिरिउसहनाहचरिए विज्जाहराणं मज्जाया जिणाणं जिणचेइआणं तह चरमदेहीणं पडिमापण्णाणं सव्वेसिं च अणगाराणं जे विज्जादुम्मया विज्जाहरा पराभवं लंघणं च करिस्संति, ताणं विज्जाओ पमाईणं सिरीओ इव चासंति / तह जे इत्थं नरजुगलं च हणिस्संति ताणं, जे वि य अणिच्छंति इत्थि रमिस्सति ताणं खणेण विज्जाओ चइस्संति' त्ति नागराओ मज्जायं उच्चएण सुणाविऊण एसा चंद-सूरं जाव सिय ति चिंतिता तं मज्जायं रयणभित्ति-पसत्थीसुं लिहेइ / तओ ते नमिविणमिणो विज्जाहरपइत्तणंमि सपसायं निवेसित्ताणं ववत्थं च काऊण सो धरणिंदो तिरोहिओ संजाओ / नियनियविज्जानामेहि सोलस निकाया पसिद्धिं पत्ता, ते इमे-गोरीनामविज्जाराहणाए गोरेया, मणुविज्जाणं आराहगा मणू, गंधारी विज्जाणं आराहगा गंधारा, माणवीविज्जाराहगा माणवा, 'कोसिगीविज्जाणं उवासगा कोसिगा, भूमितुंडाविज्जाण आराहगा भूमितुंडगा, मूलवीरियविज्जाणं आराहगा मूलवीरियगा, संकुयाविज्जाणं उवासगा संकुगा, पंडुगोविज्जाणं आराहगा पंडुगा, कालीविजाणं सेवगा कालिगेया, सवागीविज्जाणं भत्ता सवागया, मायंगीविज्जाणं उवासगा मायंगा, पवई विज्जाणं आराहगा पव्ययगा, वंसालयाविज्जाणं सेवगा वंसालया, पंसुमूलाविज्जाणं भत्ता पंसुमूलगा, रुक्खमूलविज्जाणं उवासगा रुक्खमूलग त्ति सोलसहिं विज्जाहिं सोलस निकाया संभूया / तओ विज्जाहराणं सोलसनिकाए विभइऊण अट्ठ निकाया नमिनरवइणा, अट्ठ य निकाया पुणो विणमिनरिंदेण गहिया / तेहिं नमि-विणमीहिं निय-निय-निकायंमि नियदेहो इव भत्तीए विज्जाहिवइदेवयाओ ठविआओ / तओ ते दुण्णि निच्चं उसहसामि-पडि मापूअणपरा इच धम्माऽणाबाहाए कामभोगे मुंजेइरे / कया ते दुवे जंबूदीवजगईए जालकडगंमि पियाहि सह अवरा सक्किसाणा इव कीलंति, कयाइ सुमेरुगिरिणो उज्जाणेसु नंदणाइवणेसु य सया पमुइयचित्ता पवणो इव अपडिबद्धा विहरिते, कयायण सासयपडिमाणं अच्चणाय नंदीसराइतित्थेसुं गच्छेइरे, सद्धाजुत्तसमणोवासगद्धलच्छीणं हि इमं चिय फलं, कयाइं ते महाविदेहखेत्तेसुं अरिहंताणं समोसरणे गंतूण सव्यण्णुदेसणासुहारसं पिवंति, कयाई ते चारणसमणेहितो धम्मदेसणं उक्कण्णा जुवाणहरिणा गीयमिव सुणेइरे, एवं ते सम्मत्तदंसणवंता अक्खीणकोसा विज्जाहरीवृंदपरिवरिआ धम्मत्थकामाणं अबाहाए रज्जं पालेइरे / ते उ कच्छ-महाकच्छपमुहा रायतावसा गंगाए दाहिणे तडंमि हरिणा इन वणे चरंता जंगमा तरवो इव वक्कलवसणधरा 1 कौशिकीविद्या / 2 श्वपाकीविद्या /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |