Page Text
________________ . येयड्ढगिरी। सिद्धिदाइणीओ देइ, आदिसेइ अ वेयड्ढगिरिंमि गंतूण सेणिदुगंमि नयराणि परिट्ठ विऊण अक्खयं रज्जं तुम्हे कुणेह / पहुं पणमिऊण ते नमिविणमिणो पुप्फगविमाणं विउव्विऊण आरोहित्ता नागराएण समं चलिया / पुव्वं तु ते नियपियराणं कच्छ-महाकच्छाणं समीवंमि गंतूणं सामिसेवातरुफलभूय-नवसंपयासंपत्रिं जाणावेऊण तो ते अउज्झापइणो भरहस्स नियरिद्धि दंसेइरे, माणिपुरिसाणं हि ठाणदंसिआ माणसिद्धी सहला होइ / पच्छा ते नियसयणं सवपरिजणं च विमाणवरं आरोहिऊण वेयइढगिरि पइ निग्गया। वेयड्ढगिरी कमेण गच्छंता-ते एरिस वेयड्ढगिरि-पज्जंतभागे लवण-समुद्द-तरंग-नियरचुंबियं, पुव्वावरदिसाणं माणदंडमिव ठिअं, भरहस्स दाहिणोत्तरभागाणं सीमारूवं, पण्णासजोयणाई दाहिणुत्तरदिसाए वित्थिण्णं, स-कोसछजोयणाई महितलंमि ओगाढं, पणवीसजोयणुस्सेहं, दूराओ हिमवंतगिरिणा पसारियाहिं बाहाहि पिव गंगा-सिंधु- नईहिं समंतओ आसिलिटुं,भरहड्ढसिरीए लीलावीसामगेहाओ इव. खंडपवाया-तमिस्साऽभिक्खगुहाओ धरंतं, चूलाए सुमेरुगिरिमिव सासयपडिमासहियसिद्धायणकूडेण अच्चन्भुयसोहिरं, देवाणं नवगेवेज्जाई पिव नाणारयणमयाई अच्चुच्च-लीलाठाणभूयाई नव कूडाई धरमाणं, वीसजोयणस्सुवरि दाहिणुत्तरपासेसुं निवसणाई पिव दुण्णि वंतरावाससेढीओ धरंतं, मूलाओ चूलिगं जाव निम्मलयरसुवण्णसिलामइयं पुढवीए चवियं देवलोगस्स एगं पायकडगं पिव, पर्वणकंपियमहातरुसाहा-हत्थेहिं दूराओ आहवंतमिव' ते पासंति, पमुइयमणा य तत्थ पावेइरे / भूमितलाओ दसजोयणाओ अवरिं नमी नरिंदो तहिं वेयड्ढगिरिंमि दाहिणसेणीए पण्णासं नगराई कुणेइरे, एएसि पुराणं मज्झथिय-नयरुत्तमे रहनेऊरचक्कवालपुरंमि सो अहिवसेइ, तहेव य उत्तरसेढीए विणमी नागरायस्स सासणाओ सिग्यं सर्टि नयराइं निम्मवेइ, एएमुं नयरेसुं पहाणभूयगयणवल्लहपुरंमि सो सयं अहिचिट्टेइ। ताओ य दोणि विज्जाहरसेणीओ महढिआओ हिटपडिविविआओ उवरित्थिअवंतरसेठीओ इव सोहित्था / ते दोण्णि अण्णे वि अणेगे गामे साहानयराइं जहाणं व जणपए वि ठवंति / जम्हा जम्हा जणवयाओ नेऊण तहिं मणूसा ठविया, तत्थावि तीए तीए सण्णाए तेहिं जणवया कया / तेसुं तेसुं नयरेसुं ते नमि-विणमिणो हियए इव सहाममंमि नाभिनंदणं पहुं ठविरे / 'विज्जाहिं उम्मत्ता विज्जाहरा दुग्णयं मा कुणेज्जा' तओ धरणिंदो तेसिं मज्जायं आदिसेइ -- 1 सम्प्राप्तिम् / 2 बाहुभिः /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |