Page Text
________________ सिरिउसहनाहचरिए दासी तयाणिं तुम्हे कहिं गया होत्था, संपइ सामी निम्ममो निप्परिग्गहो रोसतोस-विरहिओ देहे वि निराकखो वट्टई' / एयं सोच्चा ते नमिविणमिणो एसो वि कोइ सामिणो सेवगो' त्ति नच्चा सगउरवं तं नागरायं धरणं कहिंति-अम्हे सामिणो भिच्चा, एसो अम्हाणं सामी, तया दिक्खागहणाओ पुव्वं कज्जनिमित्तं अम्हे देसंतरगमणहूँ आइट्ठा, सयं सव्वेसि नियपुत्ताणं विभइऊण रज्जं दाही / दिण्णसव्वधणो विअयं अम्हाणं रज्जं दाही, 'अस्थि नत्थि त्ति का चिंता ?' सेवगेहि सेवा चिय कायया। गंतूण भरहं मग्गेह, सामिव्व सामिपुत्तो वि तुम्हाणं दास्सइ त्ति धरणिदेण वुत्ता ते कहिंति-'अमुं जगसामि पाविऊण अण्णं सामि नहि कुणेमो, कप्पतरं पावित्ता को करीरं निसेवइ, अम्हे परमेसरं विहाय अन्नं न पत्थेमो, पयोधरं विमोतण 'बप्पीहो कि अण्णं जाएइ ? सत्थि अत्थु भरहाईण, एयाए चिंताए कि ?, एयाओ सामित्तो होइ, तं होउ, किं अवरेण' ! / अह ताण वयजुत्तीए पमुइओ नागराओ इमं वयणं अब्बवी-अस्सेव सामिस्स किंकरो पायाल-पई एसो अहं अम्हि, हे महाभागा ! महसत्तसालिणो ! 'अयं चिय सामी, न अवरो सेवणिज्जो' ति दिढा पइण्णा तुम्हाण, साहु साहु तुम्हाणं / तिभुवणसामिणो अस्स सेवाए रज्जसंपयाओ पासेण आकड्ढिआओ इव दुअं लोगागं उवसप्पंति, पलंबमाणफलं व इह नराणं इमस्स य सेवाए वेयड्ढगिरिम्मि विज्जाहरिंदत्तणं अच्चंतसुलहं चिय / पायहिदृथिअनिहाणमिव अमुणो सेवामेत्तेण भवणाहिवइसिरीओ जत्तेण विणा हुंति / इमं च पहुं सेवमाणाणं पुरिसाणं कम्मणवसाओ इव अच्चतर्वसंचया वंतरिंदसिरी उवणमेइ, इमस्स पहुणो सेवयं सयंवरवहू सुहगं पिव जोइसियलच्छी अवि सयमेव सिग्यं वरेइ, अस्स सामिस्स. सेवाओ पुरंदरस्स संपयाओ संताओ विचित्ताओ कुसुम-रिद्धीओ इच जायंते, अस्स चित्र सेवणाओ मुत्तीए कणीयसि बहिणि पिव दुल्लहं पि अहमिदसिरिं लोगा लहंते, अमुमेव जगनाई सेवमाणो भव्वजीवो अपुणरावित्तिं सयाणंदमइयं पयं पावेइ, अस्स चिय सामिणो सेवाए एसो इव देही इह तिहुवणाहीसो परलोगंमि य सिद्धरूवो होज्जा / अमुस्स सामिस्स अहं दासो, तुम्हे वि सेवगा, नागराएण नमिविणमीणं विज्जाहरेस्सरियदाणं अओ एयस्स सेवाए फलं विज्जाहरेस्सरियं तुम्हाणं देमि, एयं सामिसेवालद्धं जाणेह, न अण्णहा संकेत्था, जो भूमिमि अरुणजाओ वि उज्जोओ आइच्चजम्मो च्चिय होइ एवं संबोहिऊण गउरी-पण्णत्ति-पमुहअडयालीससहस्सविज्जाओ पढणमेत्त 1 चातकपक्षी। 2 वशंवदा-आधीना।
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |