Page Text
________________ 81 पहुणो आहाराभावे कच्छमहाकच्छाईणं चिंता / रस्स तुम्ह नमो, हे भयवं ! अदिण्णाऽऽदाण-पच्चक्खाणरूवसुद्धपहंमि पढमपहिगस्स तुम्हं नमो, हे जगवइ / वम्महं-ऽधयारमहणस्स अखंडिय-सुद्ध-बम्हचेर-तेयभाणुस्स तुम्हं नमो, हे नाह ! एगपए पुढवीपमुह-सव्वपरिग्गरं पलालव्य चत्तवंतस्स निल्लोहसरुवस्स तुम्भं नमो, हे पहु ! पंचमहव्वयभारवहणवसहस्स संसार-सागर-तरणपत्त· टुस्स महप्पणो तुम्हें नमो, हे आइणाह ! पंचण्हं महब्बयाणं पिव पंच वि सोयराओ समिईओ धरितस्स तुहं नमो, अप्पाऽऽरामिकचित्तस्स वयणजोग-संवरणरेहिरस्स सव्वकायचेहानियट्टस्स तिगुत्तिगुत्तस्स तुम्हें नमो' इअ आइणाहं संथुणित्ता देवा जम्माभिसेगुन्य नंदीसरदीवे गंतूण अहाहियामहूस किच्चा जहहाणं गया, तह य भरहबाहुबलिआइणो वि नाहं पणमित्ता अमरा इव कहंचि नियनियद्वाणं गच्छित्था / पहू वि मउणवयधरो अणुपन्चइएहिं कच्छ-महाकच्छाइनरवरेहि अणुसरिओ पुढवि विहरिउं पउत्तो। उसहपहुणो अण्णमुणीणं च आहारस्स असंपत्ती___ भयवं पारणादिवहे कत्थइ भिक्खं न पावेइ, तया हि एंगंतरिज्जु-लोगो भिक्खादाणविहिं न अभिजाणेइ, ते हि लोगा नाहं पुव्वमिव रायं चिय मण्णेइरे, तओ भिक्खटुं समागयस्स भगवओ के वि वेगपराभूयाऽऽइच्चाऽऽसे तुरंगमे, अवरे परक्कम-निज्जिय-दिसागए नागकुंजरे, के वि रूबलायण्ण-विणिज्जिय-देवंगणाओ कण्णगाओ, केइ विज्जु-विम्भमकराइं आहरणाई, केयण संझब्भाणि इव नाणावण्णवसणाई, के वि य मंदारदामफैद्धाकारगाइं मल्लदामाई, केइ मेरु-सिहर-सहोयरं सुवण्णरासि च, अह अन्ने रोहणायलचूलासंनिहं रयणकुडं दिति / सामी भिक्ख अलहमाणो वि अदीणमणो जंगमं तित्थं पिव सइ विहरमाणो पिच्छिं पवित्तेइ, सत्तधाउरहियदेहो इव सुत्थिओ भयवं छुहापिवासाइणो परिसहे अहिसहेइ, सयं दिक्खिा ते रायाणो पोया पवणं पिव सामि अणुगच्छंता तहेव विहरति / अह तत्तनाणविवज्जिया तवंसिणो छुहापिवासाईहिं किलामिया ते राइणो नियबुद्धि-अणुसारेण वियारिति। ... कच्छमहाकच्छाईणं चिंता एसो सामी किंपागफलाई मिव महुराई पि फलाई न खायंति, खारजलाणि इव साऊईपि पयाई न पिवंति, परिकम्माऽणविक्खो न व्हाइ न य विलिंपइ, भारुव्व 1 प्राप्तार्थस्य-अतिकुशलस्य / 2 एकान्तऋजुलोकः। 3 वेगपराभूतादित्याश्वान् / 4 स्पर्धा / 5 पृथ्वीम् / 6 पयांसि /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |