Page Text
________________ सिरिउसहनाहचरिए ताई वत्थाई पुप्फमल्लाई भूसणाई च सिग्ध उज्झेइ / देवराभो पहुणो खंधदेसंमि चंदकिरणेहिं 'वूयंपिव कोमलं धवलं सुहुमं देवदूस ठवेइ / अह चइत्तबहुलट्ठमीए उत्तरासाढानक्खत्ते चंदजोगमुपागए दिवसस्स पच्छिमे भागे संजायमाणजयजयारावकोलाहलच्छलाओ हरिस उग्गिरंतेहिं पिव नरामरहिं पेक्खिज्जमाणो पहू चऊसुं दिसासु सेसं दाउं इच्छंतो इव चऊहिं मुट्ठीहिं सिरस्स केसे लुंचे। सोहम्माहिबई वत्थंचलंमि वगंतरतंतुमंडणकारिणो पहुणो ते कुंतले पडिच्छेइ / अह नाहो पंचमेण मुद्विणा अवसे से कर लूंचंतो इंदेण . एवं पत्थिओ-हे सामि ! तुम्हाणं सुवण्णप्पहखंधेसुं वायाऽऽणीया एसा केसवल्लरी मरगयसनिहा विराएइ, तओ एयाए लंबणेग अलं, 'एमा तहेव चिहउ' त्ति इंदनिबंध. वसाओ पहू तं केसवल्लरिं तहेव धारेइ, सामिणो हि एगंतभत्ताणं पत्थणं न खंडेइ / सोहम्मबई ते केसे खीरसमुदंमि पक्खिऊण उवेच्च य मुट्ठिसन्नाए रंगायरिओ इव. तुमुलं रक्खेइ / अह नाभिनंदणो कयछद्रुतवो सिद्धाण नमो काऊण देवासुरमसाणं समक्ख 'सव्वं सावज्जजागं पच्चक्खामि' ति उदीरंतो मोक्खपहस्स रहमिव चारित्त पडिवज्जइ / सामिदिक्खागहणसमयंमि नारगाणं पि सरयाऽऽयवतत्तजणाणं अभछाहीए इव खणं सुहं संजायं, तया सामिस्स पवज्जागहणसंकेयं पिव मसखेत्त-वटि-संणि-पंचिंदिय पाणिमणोदव्वण्यासगं मणपज्जवनाणं समुप्पज्जेइ / कच्छ-महाकच्छपमुहाणं दिक्खा मित्तवग्गेहिं वारिजमाणा, बंधहि रुधिज्जमाणा भरहनरदेण वि मुहं मुहुं निसिहिज्जमाणा कच्छ-महाकच्छपमुहा चत्तारि सहस्सा निवा सामिणो अइसयवंतं पुव्वपसायं सुमरंता, छप्पया इव पहुपायपोम्मविरहाऽसहा पुत्तकलत्ताई रज्जं च तिणमिव चिचा 'जा पहुस्स गई सच्चिय अम्हाणं' ति निच्चयं काऊणं हरिसेण दिक्खं गिण्हंति, सेवगाणं हि एसो कमो उइओ / अह इंदप्पमुहा देवा आइणाहं पणमित्ता विरइयंजलिणो एवं थुइं कुणेइरे-'हे नाह ! तुम्ह जहत्थियगुणे वोत्तुं अम्हे असमत्था, तहवि अम्हे थुणिमो, तुम्हाणं हि पुण्णपहावाओ अम्हाणं पण्णा अइसयवई संजायइ, हे सामि ! तस-थावर-जंतूणं हिंसापरिहाराओ सव्वजीवाऽभयदाणिक- सत्तागारस्स भवओ नमो, सव्वहा मूसावायवज्जणेण हिय-सच्च-पिय-वयण-मुहारस-साग 1 व्यूतम् / 2 कचान् / 3 सत्रागारस्य-दानशालासदृशस्य /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |