Page Text
________________ उसहपहुणो दिक्खामहूसवो अभंतरंमि पविसित्ता सामिणो दंसणिच्छाए पुरओ पाउब्भवंति, काओ वि अंगणाओ वेगेण धावंतीओ तुट्टियहारेण लायंजलिं पिव तिहुवणाहीसं पइ मुंचेइरे, पहुदंससुगा कडिथिअबाला काओ वि ललणाओ आगच्छंतस्स भत्तुस्स अग्गंमि आरूढवानरा लयाओ इव चिट्ठिन्ति, थणकुंभमरालसा काओ वि अंगणाओ उभयपासंमिसंठियाणं दुण्हं सहीणं हत्थे अवलंबिऊण पैक्खे काऊण इव पहुदंसणाय आगच्छंति, काओ वि मिगनयणाओ सामिपेक्खणमहूसबछाए गइभंगकरे भारभूयनियनियंबे निंदेइरे, काओ रायमग्गपासायकुलंगणाओ सुहकोसुंभवसणाओ इंदु-संझासरिससोहं धरतीओ पुण्णपत्ताई धरंति, काओ वि चवललोयणाओ पहुस्स आलोयणंमि चामराई इव पाणिप उमेहिं अंचले चालिंति / काो वि नारीओ निन्भरं अप्पणो पुण्णबीयाई ववंतीओ इव नाभिनंदणं अभि लाए निक्खिवंति, काओ वि पहुकुलसुवासिणीओ इव उच्चएहिं 'चिरं जीव चिरं नंद'त्ति आसीवयणाई दिति, काओ वि पुरललणाओ चंचलच्छीओ वि निच्चलच्छीओ मंदगाओ वि सिग्धगमणसीलाओ समाणाओ पहुं पासंतीओ अणुगच्छंतीओ हवंति / ___ अह नहंमि महाविमाणेहिं महीयलं एगच्छत्तं कुणमाणा चउव्विहा देवा अवि समागच्छति, ताणं केई देवा मयजलवरिसेहिं कुंजरेहिं आगच्छंता गयणं मेहमइयं इव विरयंति, केइ देवा अइवित्थिण्ण -गयण-वारिहिणो तरंडसरिसुत्तमतुरंगमेहिं कसा नावादंडसहिया सामि पेक्खिळ आवडंति, केवि देवा साइसयवेगेण मुत्तिमंतेहिं पवणेहिं पिव रहेहिं नाभिनंदणं उवागच्छंति / केवि सुरा परुप्परं वाहण-कीला-पइण्णाय-पणा इव मित्तंपि न पइक्खन्ते, अयं सामी अयं सामी एवं मिहो कहिंता सुरा पत्तनयरा पहिगा इव वाहणाई थिरीकुणति, तया विमाणपासाएहिं गएहिं तुरगेहिं संदणेहिँपि नहंमि वीया विणीया नपरी होत्था, चंदाइच्चेहिं माणुसुत्तरगिरीव पगिट्ठ-सुर-माणवेहिं जयनाहो परिवरिज्जइ, उसहनाहो उभयपासेसु भरह-बाहुबलीहिं उबसेविओ रोहेहि जलही इव सोहेइ, इयरेहिं अट्ठाणउईए विणीएहि तणएहिपि जगसामी गएहिं जूहनाहो इव अणुसरिज्जइ, माया भज्जाओ पुत्तीओ य अण्णाओ वि अंसुवईओ इत्थीओ 'ओसायाण जुया पउमिणीओ इव पहुं अणुगच्छंति / एवं तिलोगनाहो पुव्वभवस्स सव्वट्ठसिद्धविमाणं पिव नामेगं सिद्धमुज्जाणं उवागच्छेइ, उवागच्छि ऊण तत्थ असोगतरुणो तलंमि भवाओ इव सिविगारयणाओ नाभिनंदणो उत्तरेइ, उत्तरिऊण सव्वओ कसाए इव 1 लाजाञ्जलिमिव-आर्द्रतण्डुलाञ्जलिमिव / 2 पक्षान् / 3 लाजान्-आर्द्रतण्डलान् / 4 स्यन्दनैः-रथैः / 5 रोघोभ्याम्-तटीभ्याम् / 6 अवश्यायकणयुताः /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |