Page Text
________________ सिरिउसहनाहचरिए वत्थालंकार-मल्लाइं च न गिण्हेइ, सेलो इव पवणुद्धयपह-धूलीहिं आलिंगिज्जइ, तह य मुद्धमि तिव्वं भाणुस्स आयवं सहेइ, सयणाऽऽसणाइविहीणो वि परिस्समं नाणुगच्छेइ, गिरिणो वरगयंदो विव सीय-उण्हेहिं न परिकिलिसिज्जइ न हि बुहुक्खं गणेइ, पिवासं पि न जाणेइ, वइरजुत्तखत्तिओ इव निदं पि न सेवेइ, अणुचरीभूए अम्हे कयावराहे इव दिट्ठीए वि न पीणेइ, सलावस्स उ का कहा ?, अवि य पुत्त कलत्ताइपरिग्गहपरंमुहो पहू जं किंपि माणसंमि चिंतेइ, तं अम्हे न जाणेमो। अह ते एवं चिंतिऊण भत्तुणो सया आसण्णसेवगा नियधुंदपुरोगमा ते कच्छमहाकच्छा इअ वुत्ता-हे अज्जा ! छुहाविजयपरो एसो सामी कत्थ ? अम्हे य अण्णकीडगा कत्थ ? / विजियपिवासो वा अयं कत्थ ? जलदद्दरा अम्हे कहिं ?, एसो य आयावविजई कत्थ ? अम्हे छायामकुणा कत्थ?, सीएण अपरिभूओ अयं कत्थ ?, सीअकविणो अम्हे कत्थ ? / निद्दारहिओ य अयं कत्थ ! निदाए पराभूया अम्हे कत्थ?, निच्चं अणासीणो अयं कत्थ ? आसणे पंगुसरिसा अम्हे कत्थ ?, गरुलस्स समुहलंघणविहिग्मि कागेहिं पिव अम्हेहिं सामिस्स वयगहणमि अणुगमणं एवं पारद्धं / आजीविगानिमित्तं किं नियाई चिय रज्जाइं गिण्हामो ?, अहवा ताणि भरहेण गहियाणि, अओ कत्थ गच्छिज्जइ ? अदुवा जीवणनिमित्तं भरहं चिय किं वच्चामो !, पहुं चइत्ता तत्थ गयाणं अम्हाणं तम्हा चिय भयं सिया, तत्तो हे अज्जा ! पुरा वि तुम्हे पहुणो निच्चं आसण्णवट्टिणो भावजाणगा होत्था, तत्तो कज्जविमूढाणं अम्हाणं किं कायव्वं ? तं अज्ज वएह / ते वि एवं भासंते-जइ मयंभूरमणसमुदस्स "थाहो आसाइज्जइ तया सामिस्स भावो वि नज्जइ / अग्गे वि सामिणा आदिदं चिय कज्ज निचं अकरिसु, अहुणा उ विहियमउणव्वओ एसो किंचण न आदिसेइ / जह तुम्हे नेव जाणेह, तहेव हि अम्हे विन जाणेमो, सव्वेसिं समाणा गई, तुम्हे बवेह-अम्हे किं कुणेमो ? / अह सव्वे वि ते संभूअ आलोइऊण गंगा-तीरवणाइं गया,तत्थ 'सइरं कंदमूलफलाई भुंजिउं पउत्ता। तओ कालाओ आरंभिऊण वणवासिणो जडाधारिणो कंदमूलफलाहारिणो इह पुढवीए तावसा संजाया / नमिविणमीणं आगमणं अह कच्छ-महाकच्छतणया विणयजुआ नमि-विणमिनामाणो पहुदिक्खागहणकालाओ पुव्वं सामिणो आणाए दूरदेसंतराइं गया, तओ पच्छा आगया ते नियपियरे वणमझमि पासेइरे, पासिऊण एवं वियारंति-वसहणाहे वि नाहे समाणे अणाहा इव अम्हाणं एए पियरा किं एरिसं अवत्थं पता ?, कत्थ तं चीणंसुगं? 1 छायामत्कुणाः / 2 स्ताघः-तलः / 3 स्वैरम् / .
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |