________________ सन्दर्भग्रन्थाः आश्रयद्वारतोऽप्यस्य संसर्गो नास्ति सर्वथा / व्यापकद्रव्ययोर्यस्मात् संसर्गो नाऽमुना मतः // 63 // व्यापकेषु वदति व्यतिषङ्ग यस्तु तेन मनसा ध्वनिना च / वीतवस्तुविषयेण विमृश्यः स्पष्ट एव विलसन् व्यभिचारः // 64 // अयस्कान्तादनेकान्तस्तथाऽत्र परिभाव्यताम् / आक्षेपश्च समाधिश्च ज्ञेयौ रत्नाकरादिह / / 65 // कारकत्वमपि तद न शोभते प्राप्यकारिणि यदीक्षणे मतम् / प्राप्य वस्तु वितनोति तद् मतिं नैव चक्षुरिति तत्त्वनिर्णयः // 66 // अद्रिचन्द्रकलनेषु चेत्यदः प्राक् प्ररूपितमुपैति नो घटाम् / रश्मिसंचयविपश्चितं हि तत् ते च तत्र नितरां व्यपाकृताः // 67 / / किञ्च, चक्षुरप्राप्यधीकृद् व्यवधिमतोऽपि प्रकाशकं यस्मात् / अन्तःकरणं यद्वद् व्यतिरेके स्यात् पुनारसना // 68 // अथ द्रुमादिव्यवधानभाजः प्रकाशकत्वं ददृशे न दृष्टौ / ततोऽप्ययं हेतुरसिद्धतायां धौरेयभावं बिभराम्बभूव // 69 // एतद् न युक्तं शतकोटिकाचस्वच्छोदकस्फाटिकभित्तिमुख्यैः / पदार्थपुञ्जे व्यवधानभाजि संजायते किं नयनाद् न संवित् ? // 70 // दम्भोलिप्रभृतिप्रभिद्यभिदुराश्चेद् रोचिषश्चक्षुषः संसर्गोपगताः पदार्थपटली पश्यन्ति तत्र स्थिताम् / एवं तहि समुच्छलन्मलभरं भित्त्वा जलं तत्क्षणात् तेनाऽप्यन्तरितस्थितीननिमिषानालोकयेयुर्न किम् ? // 71 // विध्यातास्तेन ते चेद् विमलजलभरात् किं भजन्ते न शान्ति ? किञ्चाऽम्भः काचकूपोदरविवरगतं निष्पतेत् तत् तदानीम् / दोषश्चेद् नैष तूर्णं यदयमुदयते नूतनव्यूहरूपः सर्पेयुस्तहि नैताः कथमपि रुचयो लोचनस्यापि तस्मिन् // 72 // भवति परिगमश्चेद् वेगवत्त्वादमीषां कतिपयकलयाऽस्तु क्षीरपातस्तदानीम् /
