Bruhatkalp Sutram Pithika Part 01

SR No.: 004440
Original Sutra Author: N/A
Author: Sheelchandrasuri, Rupendrakumar Pagariya
Publisher: Prakrit Granth Parishad
Publication Year: 2008
Total Pages: 250
Language: Sanskrit
Classification: Book_Devnagari & agam_bruhatkalpa
File Size: 20 MB

Page 85

64 बृहत्कल्पचूर्णिः // [पीठिका सिस्सा / मा साहेज्जासि तेसिं / जति पुण गाढं णिब्बंधं करेज्जा तो खरंटेउं साहेज्जासिसुवण्णभूमीए सागराणं सगासं गत त्ति' / एवं अप्पाहेत्ता रत्ति चेव पासुत्ताणं गता सुवण्णभूमि / तत्थ गंतुं खंतलक्खेणं पविट्ठा सागराणं गच्छं / ताधे सागरेहिं 'खंतो'त्ति काउं तं णाढाइया अब्भुट्ठाणादीहिं / ताधे अत्थपोरिसिवेलाए भणिता सागरेहि-खंता ! 'तुब्भं एतं गतेल्लयं' ? ति / आयरिया भणंति-आमं / 'तो खाई सुणेह'त्ति पकधिता अत्थं / गव्वातंता य कधेति / इतरे वि सीसा पंभाते संते संभंता आयरियं अपासंता ते मग्गितुं सेज्जातरं पुच्छंति / ण कधेति य / तुहं अप्पणो आयरिओ न कधेति कतो जामि त्ति, तो ममं कधेति !! ताधे गाढे णिब्बंधे कते आतुरीभूतेसु कधितं जधा-तुब्भच्चएणं णिव्वेदेणं गता सुवण्णभूमि सागराणं सगासं आयरिया / खरंटिया य / ताहे ते उच्चलिया सुवण्णभूमिं / पंथे य लोगो पुच्छति-एस कतरो आयरिओ जाति त्ति ? / ते कधेति-अज्जकालय'त्ति / ताधे सुवण्णभूमीए सागराणं कधितं लोगेणं-जधा अज्जकालया णाम आयरिया बहुस्सुया बहुपरिवारा इह आगंतुकामा पंथे वटुंति त्ति / ताधे सागरा सिस्साणं पुरओ भणंति-मम अज्जया इंति / तेसिं सगासे पयत्थे पुच्छीहामि त्ति / अचिरेणं२ ते सीसा आगया / तत्थ अग्गिल्लेहिं पुच्छिज्जंति-केति एत्थं आयरिया आगत त्ति ? / णत्थि / णवरं अण्णे खंता आगता। केरिस ? त्ति / वंदिते णातं / ताधे सो सागरो लज्जिओ जातो / मए एत्थं बहुं पलत्तं, खमासमणा य वंदावित त्ति / ताधे अवरण्हवेलाए मिच्छामि दुक्कडं करेति 'आसातित' त्ति / भणियं च णेण-केरिसं खमासमणो ! अहं अत्थं कधेमि त्ति ? / आयरिया भणंति-सुंदरं, मा पुण गव्वं करेज्जासि / ताधे धूलिपुंजदिटुंतं कधेति / धूलि हत्थेण घेत्तुं तिहिं अंतेहिं उत्तारेंति, जधा एसा धूलीवि ठविज्जमाणी उक्खिप्पमाणी य सव्वत्थ परिसडति / एवं अत्थो वि तित्थकरेहितो५ जाव गणहराणं, गणहरेहितो जाव अम्हं आयरि-उवज्झायाणं परंपरएणं आगतं / को जाणति कस्स के वि पज्जाया गलिता ? / ता मा गव्वं काहिसि त्ति / ताधे 'मिच्छा दुक्कडं' करेत्ता आढत्ता अज्जकालया सीस-पसीसाणं अणुयोगं कधेउं / 'सागारिउत्ति, सेज्जातरो / सुतो सीसो / तस्स सीसो सुतसीसो / कधणा अणुओगस्स सागराणं / चउत्थभंगो णिउत्तो णिउत्ताणं / एत्थं भावम्मि जिणादिता होंति त्ति / अस्य व्याख्या णिउत्तो उभयकालं, भयवं कहणाएँ वद्धमाणो उ। गोयममाई वि सया, सोयब्वे हुँति उणिउत्ता // 241 // 'णिउत्तो'य सव्वगाधा / कंठा / 'पवत्ति'त्ति दारं गतं // इयाणि 'केण वत्ति दारं / 1. खंते पू० 1-2 / खंति खं० / 2. आयरेणं पा० आतरेणं खं० / 3. करेज्जध प्रा० / 4. करेंति खं० पा० / 5. हिंतो जाव अम्हं आय० पा० / 6. आयरियाणं उवज्झायाणं खं० / 7. तो पू० 1-2 /