Bruhatkalp Sutram Pithika Part 01

SR No.: 004440
Original Sutra Author: N/A
Author: Sheelchandrasuri, Rupendrakumar Pagariya
Publisher: Prakrit Granth Parishad
Publication Year: 2008
Total Pages: 250
Language: Sanskrit
Classification: Book_Devnagari & agam_bruhatkalpa
File Size: 20 MB

Page 74

भाष्यगाथा-१८५-१९१] . णिच्छियमुत्त निरुत्तं, तं पुण सुत्ते य होति अत्थे य / सुत्ते उवरिं वोच्छिति, अत्थणिरुत्तं इमं तत्थ // 188 // "णिच्छितमुत्त०" गाधा / णिरुत्तमिति कोऽर्थः ? उच्यते-निश्चितं तथ्यं वा उक्तं निरुक्तम् / तं च दुविधं-सुत्तणिरुत्तं, अत्थणिरुत्तं च / तत्थ सुत्तणिरुत्तं उवरिं भण्णिहिति / 'णेरुत्तियाणि तस्स उ सूयति' इत्यादि गाधा (गा० 314) / अत्थणिरुत्तं पुण इमं- अणु बादरे य उंडिय, पडिंसुया चेव अब्भपडले य / वत्तिय चउक्क भंगो, णिरुत्तादी वत्तणी व जधा // 189 // "अणु बायरे०" गाधा / एते दिटुंता अत्थणिरुत्तेसु / एते पुण अत्थेगट्ठितेसु वक्खाणिज्जंति / तं जधा-अणुयोगे' अणुं च बादरो य दिटुंतो कीरति / णियोगे सुत्तं अत्थो य उंडियापत्तएणं दिटुंतो कीरति / भासाए पडिंसुया दिटुंतो कीरति / विभासाए अब्भपडलदिटुंतो कीरति / वत्तीए चत्तारि भंगा करेत्ता मंखदिटुंतो कीरति / तत्थ पढमं दारं अणुयोगो / अणु बादरे य० / अस्य व्याख्या अणुणा जोगो अणुयोगो, अणु पच्छाभावतो य थोवे य। जम्हा पच्छाऽभिहियं, सुत्तं थोवं च तेणाणू // 190 // - "अणुणा०" गाधा / अणुणा जोगो अणुयोगो / “अणु पच्छाभावे थोवे" य त्ति काउं / जेण कारणेण पच्छा कतं सुत्तं थोवं च तेणाणू भण्णति / अत्थो पुण बादरो पुव्वं भणितो बहू चेत्यर्थः / एवं भणिए आयरिएणं सीसो भणति पुव्वं सुत्तं पच्छा, य पगासो लोइया वि इच्छंति / पेडासरिसे सुत्ते, अत्थपया हुंति बहुया वि // 191 // "पुव्वं सुत्तं०" गाधा / 'पगासो 'त्ति अत्थो / ते ते भावे पगासीकरेतीति पगासो, सुत्ताभावे कस्स अत्थो भवतु ? / लोइया वि एवं इच्छंति / यथा पूर्वं सूत्रं ततो वृत्तिवृत्तेरपि च वार्तिकम् / सूत्र-वार्तिकयोर्मध्ये, ततो भाष्यं प्रवर्तते // एतेण कारणेणं जं भणध-पुव्वं अत्थो पच्छा सुत्तं ति, तं न घडति / जं पि य भणधसुत्तं अणुं अत्थो बादरो, तं पि ण घडति / कधं ? जधा एगाए पेलाए बहूणि पोत्ताणि मायति / तत्थ पुण पेलाए चेव बादरत्तणं भवति, जेण ते सव्वे वि ताए मायंति / एवं पेल्लियत्थाणीए सुत्ते बहू वि अत्थपदा भवंति चेव / एतेण कारणेणं जं भणध-पच्छा सुत्तं, एयं ण घडति / ण 1. अणियोगे पू० 2 / 2. ०भावो थोवेणत्ति पू० 1 /