________________ 38 बृहत्कल्पचूर्णिः॥ [पीठिका णिक्खेवेगट्ट णिरुत्त विहि पवित्तीय केण वा कस्स / तद्दार भेयलक्खण, तदरिह परिसा य सुत्तत्थो // 149 // णिक्खेवो णासो त्ति य, एगटुं सो उ कस्स णिवो। अणुओगस्स भगवओ तस्स इमे वणिया भेदा // 150 // "णिक्खेवगट्ठ०" दारगाहा / "णिक्खेव" त्ति / अस्य व्याख्या-"णिक्खेवो" गाहा। णिक्खेवो त्ति वा, णासो त्ति वा, एगटुं / आह-सो कस्स णिक्खेवो ? उच्यतेअणुओगस्स भगवओ / तस्स इमे सत्त भेदा भवंति / / णामं ठवणा दविए, खेत्ते काले य वयण भावे य / एसो अणुओगस्स उ, णिक्खेवो होइ सत्तविहो // 151 // .. सामित्त-करण-अहिगरणतो य एगत्त तह पहत्ते य / णामं ठवणा (णं) मोत्तुं इति दव्वादीण छब्भेया // 152 // "णामं ठवणा०" गाहाद्वयम् / णाम-ठवणाणुओगा पुव्ववण्णिय त्ति काउं ते छड्वेत्ता सेसाणं दव्वादीणं पंचण्हं अणुओगाणं सामित्त-करण-अधिकरणतो य एगत्त-पुहुत्तेणं समासो कायव्वो / तं जहा-१ दव्वस्स वा अणुओगो दव्वाणुओगो,.दव्वाण वा / 2 दव्वेण वा 3 दव्वेहिं वा / 4 दव्वम्मि वा 5 दव्वेसु वा 6 अणुओगो / एवं खेत्त-काल-वयणभावाणुओगाण वि एक्केक्कस्स छन्भेदा णेयव्वा / तत्थ दव्वस्स अणुओगोत्ति / अस्य व्याख्या दव्वस्स उ अणुओगो, जीवद्दव्वस्स वा अजीवस्स / एक्केक्कम्मि य भेया, हवंति दव्वाइया चउरो // 153 // "दव्वस्स उ०" गाहा / दव्वस्स अणुओगो दुविहो-जीवदव्वस्स वा अजीव-दव्वस्स वा / एतेसिं दोण्ह वि एक्केक्कस्स दव्वओ, खेत्तओ, कालओ, भावओ अणुओगो वत्तव्यो / तत्थ जीवदव्वं / दव्वेणेगं दव्वं, संखातीतप्पदेसमोगाढं / काले अणादिनिधणं, भावे नाणाइयाऽणंता // 154 // "दव्वेणेगं०" गाहा / दव्वओ णं जीवे एगं दव्वं / खेत्तओ असंखेज्जपएसोगाढे / कालओ अणादिअणिहणे / भावओ अणंता णाणपज्जवा, अणंता दंसणपज्जवा, अणंता चरित्तपज्जवा, अणंता अगुरुलघुपज्जवा / इदाणिं अजीवदव्वस्स भण्णति
