________________ भाष्यगाथा-६४-७०] ते गुरुलहुपज्जाया, पण्णाछेदेण वोकसित्ताणं। जा बायरो जहण्णो, अणंतहाणीए हायंता // 66 // "ते गुरुलघु०" गाहा / ते गुरुपज्जाया लहुपज्जाया य प्रज्ञाच्छेदेन अवणिज्जंति / थूलदविएहि आढवेत्ता जाव परमाणू / थूला बादरपरिणता अणंतपदेसिता खंधा, तेसिं गुरुपज्जाएहितो लहुपज्जाया अणंतगुणहीणा, तदणंतरा' सुहुमपरिणता अणंतपदेसिया खंधा / तेसिं बादरपरिणताणंतपदेसियखंधलघुपज्जाएहितो अणंतगुणहीणा गुरुपज्जाया / तग्गुरुपज्जाएहितो य अणंतगुणवड्डिया लहू पज्जाया / एवं जहा जहा सुहुमा तहा तहा गुरुपज्जाया अणंतगुणहाणीए हायंति, लहू पज्जाया अणंतवुड्डीए वटुंति / जाव दुपएसियलघुपज्जएहितो अणंतगुणहीणा परमाणुगुरुपज्जाया / तग्गुरुपज्जाएहितो य अणंतगुणवड्डिया लहू पज्जाया / आह, भणिता पोग्गलाणं गुरु-लहुपज्जयाणं हाणी वुड्डी य / एतेसिं पुण के कतो बहुया थोवा वा ? उच्यते-सव्वथोवा अणंतपदेसिया खंधा / णंतपएसाणं पि य, सव्वत्थोवा उ बादरा खंधा। तेसिं पि.वग्गणाओ, हवंति णंताओ सट्ठाणे // 67 // तत्तो य वग्गणाओ, सुहमाण भवंतऽणंतगुणियातो / परमाणूण य एक्का, संखे संखेयरेऽसंखा // 68 // "णतंपदेसा०" गाधार्द्धम् / ते केवतिया भेदेणं ? उच्यते / 'तेसिं०' पच्छ / जहा कुचिकण्णस्स गावीणं / 'तत्तो य०' पुव्वद्धं / परमाणूणं एगा वग्गणा / संखेज्जपएसियाणं संखेज्जाओ वग्गणाओ / 'इतरे'त्ति, असंखेज्जपएसिया, तेसिं असंखेज्जाओ वग्गणाओ / इति पोग्गलकायम्मी, सव्वत्थोवा उ गुरुलहू दव्वा / उभयपडिसेहिया पुण, अणंतकप्पा बहुवियप्पा // 69 // "इति पोग्गल०" गाधा / उभयपडिसेधिया णामं अगुरुलहू, ते य णयमतातो अत्थि अण्णम्मि सिद्धते / इहं न भणिया चुण्णिकारेणं / सिद्धते य "बादरमिह गुरुलहुयं अगुरुलहुं सेंसयं सव्वं [विशेषा० भा० गा० 660] // " - इह पुण पगए बादरीहोताणं पोग्गलाणं गुरुपज्जाया वर्ल्डति, लघुपज्जाया हायति / सुहमीहवंताण पुण लघुपज्जाया वटुंति गुरुपज्जाया हायति / केण हवेज्ज णिरोहो, अगुरुलहूपज्जवाण उ अमुत्ते / अच्चंतमसंजोगो, जहेय पुण तव्विवक्खस्स // 70 // 1. तदणंतर० पू० 1 / 2. अणंतहाणीए पू० 1-2 /
