________________ भाष्यगाथा-६४०-६४८] 165 कुशीलओ वा / ते इमं भण्णंति. तूरपइ दिति मा ते, कुशीलवे तेसु तूरिए मा ते / एमेव भोगि सेवग, तेणो उचउव्विहो इणमो // 644 // "तूरपइ०" गाधा / कंठा / 'एमेव 'त्ति सेवओ जइ देति तो भण्णति-मा भोइयस्स होज्जा / भोइओ मा सेवगस्स ते होज्जा / तेणो, इमो चउव्विहो सग्गाम परग्गामे, सदेस परदेसे होइ उड्डाहो / मूलं छेओ छम्मासमेव गुरुगा य चत्तारि // 645 // "सग्गाम०" गाधा / कंठा / यथासंख्यं ‘उड्डाहो 'त्ति 'तेणो कस्स' त्ति गतं / एवं पुच्छासुद्धे, किं आसि इमं तु जंतु परिभुत्तं / किं होहिइ त्ति अहतं, कत्थाऽऽसि अपुच्छणे लहुगा // 646 // "एवं पुच्छा०" गाधा / जत्थ दोसा णत्थि पुच्छिते समणादतो, एवं पुच्छाए सुद्धं / जं परिभुत्तेल्लयं तं भणंति-किं एतं आसि ? जं एवं ण पुच्छति तो किं आस ? अपुच्छितम्मि पच्छाकम्मं पवहणं वा भवतीति वाक्यशेषः / जं पुण 'अहयं' ण ताव परिभुज्जति तं भणतिकिं एवं होहिति ? भण्णति यं-कत्थ एतं आसि ? २पेल्लाए कोठ्ठियातो वा उब्भिदित्ता वा मालोहडं होज्जा। चउसु वि चउलहुगं पच्छित्तं / णिच्चणियंसण मज्जण, छणूसवे रायदारिए चेव / सुत्तत्थजाणएणं, चउपरियट्टे तओ गहणं // 647 // णिच्चणियंसणियं ति य अण्णासइ पच्छकम्म-वहणाई। अस्थि वहंते घिप्पइ, इयरय फुस-धोय-पगयाई // 648 // "णिच्चणितंसणितं" गाधा / जं परिभुत्तं तं किं आसि त्ति पुच्छिते ते गिहत्था भणेज्जा-णिच्चणियंसणियं आसि / अधवा 'मज्जणियं' अधवा छणूसवियं अधवा रायद्दारियं / णिच्चणि'० पुव्वद्धं / जति भणेज्जा णिच्चणियंसणियं, ताधे जति तस्स णिच्चणियंसणियं अण्णं णत्थि तो न घेप्पति / को दोसो? उच्यते-पच्छाकम्मं करेज्जा / अण्णं समुच्छावेज्ज इत्यर्थः / किणेज्ज वा, पामिच्चेज्ज वा / चउपरियट्टे ततो गहणं ति / चउण्हं पि णिच्चणियंसणियादीणं परियट्टयाणं जं देति परियट्टणं तस्स जइ अण्णो परियट्टओ अत्थि वहति य, तो घेप्पति / अध अत्थि अण्णो तं ण ताव "पवाहेइ, तो ण घेप्पति / इयरे त्ति अवहंते उप्फोसेज्ज वा धोवेज्ज वा एगंतं वा करेज्जा। आदिग्गहणेणं धूवेज्जा वा, अप्पणा य पहाएज्जा 1. भण्णति पू० 1-2 / 2. पेलाए पू० 2 / 3. परियट्टियं पा० / 4. वाहेति पा० /
