Bruhatkalp Sutram Pithika Part 01

SR No.: 004440
Original Sutra Author: N/A
Author: Sheelchandrasuri, Rupendrakumar Pagariya
Publisher: Prakrit Granth Parishad
Publication Year: 2008
Total Pages: 250
Language: Sanskrit
Classification: Book_Devnagari & agam_bruhatkalpa
File Size: 20 MB

Page 180

भाष्यगाथा-६१५-६२२] 159 एसा जं आभिग्गहिया भवंति–अम्हेहिं वत्थाणि वा पाताणि वा आणेतव्वाणि अण्णेण वा जेण पओयणं साधूणं ? ताधे सो आयरिओ तेसिं आभिग्गहियाणं णिवेदेति / जधा-अज्जो ! अमुगस्स साधुस्स अमुगं वत्थं णत्थि / अध दुविधाए असतीए णत्थि आभिग्गहिया / जति सो असमत्थो अप्पणा वत्थं उप्पादेउं, तो जो अण्णो साधू समत्थो तं वावारेति / जधा-वत्थाणि मग्गसु त्ति / जो सो आभिग्गहितो, जो वा सो वावारितो, ते काए विधीए उप्पाएंति ? उच्यते भिक्खं चिय हिंडंता, उप्पायंतऽसइ बिइअ पढमासु / एवं पि अलब्भंते, संघाडेक्क्क वावारे // 619 // एवं पि अलब्भंते, मुत्तूंण गणिं तु सेसगा हिंडे। गुरुगमणे गुरुग ओहामऽभियोगो सेहहीला य // 620 // "भिक्खं चिय०" गाथाद्वयम् / सुत्तपोरुसिं अत्थपोरुसिं च काउं भिक्खं चिय हिंडंता उप्पादेति / अध भिक्खं हिंडतेहिं ण लभेज्जा, ताधे बितियं ति अत्थपोरुसीए उप्पा-ति / असति सुत्तपोरुसीए, दोहि वा पोरुसीहि उप्पाएंति / जति एक्को ण लभेज्जा, संघाडओ बहूणं वा उप्पातेतव्वं / ताधे एक्कक्कयं संघाडगं वावारेति गुरू / ते वि तधेव मग्गंति / भिक्खं चिय हिंडंता इत्यादि / अध तध वि ण लभेज्जा ताधे 'वृन्दसाध्यानि कार्याणि' इति कृत्वा पिंडएणं सव्वे उतॄति, आयरियं एक्कं मोत्तूणं / आयरिया जति अप्पणा हिंडंति, चउगुरुगा, ओभावणादोसा / आयरिओ होंतओ अप्पणा हिंडति त्ति नूणं एतस्स आयरियत्तणं पि एरिसयं चेव, जो चीराणं पि णाढाति / कमणिज्जरूवं वा दटुं काति इत्थिया आभिओएज्जा / अण्णउत्थिया वा विसं देज्जा / ओभासिए वा अलद्धे सेहाणं हीलणिज्जो होज्जा-आयरियाणं दिटुं माहप्पं / जम्हा एते दोसा तम्हा आयरिओ ण हिंडावेतव्यो / तं मोत्तूणं जे अण्णे सेसा तेहिं सव्वेहिं हिंडितव्वं / ते पुण सव्वे वा गीयत्था, मीसा व जहण्ण एक्कु गीयत्थो / इक्कस्स वि असईए, करिति तो कप्पियं एक्कं // 621 // "सव्वे वा०" गाधा / कंठा / असति एक्कं कप्पियं करेंति जो पडू पगब्भो / तत्थ आयरिया वत्थेसणं सउस्सग्गाऽववातं कहेंति / आवाससोहि अखलंत समग उस्सग्ग दंडग ण भूमी। पुच्छा देवयलंभे, ण किं पमाणं धुवं दाहि // 622 // "आवास०" गाधा / तेहिं य साधूहि अणागतं चेव काइयसण्णाओ आणक्खे 1. अप्पणो पू० 1 /