Bruhatkalp Sutram Pithika Part 01

SR No.: 004440
Original Sutra Author: N/A
Author: Sheelchandrasuri, Rupendrakumar Pagariya
Publisher: Prakrit Granth Parishad
Publication Year: 2008
Total Pages: 250
Language: Sanskrit
Classification: Book_Devnagari & agam_bruhatkalpa
File Size: 20 MB

Page 176

155 भाष्यगाथा-६०२-६०७] असुद्धातो मणेण परिहरति, पूर्ववत् नवको भेदः / विसुद्धं ति भावतो, न परानुवृत्त्या / पढिय सुय गुणियमगुणिय, धारमधार उवउत्तौं परिहरति / आलोयणमायरिये, आयरिओं विसोहिकारो से // 605 // "पढिय०" गाधा / पूर्वोक्ता / सेज्जाए कप्पितो त्ति दारं गतं ॥छ।। इदाणि 'वत्थकप्पितो 'त्ति दारं / अप्पत्ते अकहेत्ता सुत्तं, वत्थेसणा / शेषं पूर्ववत् / तं च वत्थं चउव्विधं णामं ठवणा वत्थं, दव्वे भावे य होइ णायव्वं / एसो खलु वत्थस्स उ, णिक्खेवो चउव्विहो होइ // 606 // "णामं ठवणा" गाधा / णाम-ठवणाओ गताओ / दव्ववत्थं दव्वे तिविहं एगिंदि-विगल-पंचेंदियेहिं णिप्फण्णं / सीलंगाइँ भावे, दव्वे पगयं तदट्ठाए // 607 // "दव्वे" गाधा / एगेंदियनिप्फण्णं कप्पासादि / विगलिंदियनिष्फण्णं कोसेज्जयादी / पंचिंदियणिप्फण्णं उण्णिय-उट्टियादी / भाववत्थं-अट्ठारससीलंगसहस्साइं / कयरे पुण ते :: अट्ठारस सीलंगसहस्सा ? / तत्थिमा गाहा__करणे जोगे सण्णा, इंदिय भोमादि समणधम्मे य। सीलंगसहस्साणं, एत्तो उ भवे समुप्पत्ती // करणं तिविधं-करणं करावणं अणुमोयणंति / जोगो वि तिविधो-मणजोगो वतिजोगो कायजोगो / सण्णा चत्तारि-आहारसण्णा, भयसण्णा, मेधुणसण्णा, परिग्गहसण्णा। इंदियाणि पंच-सोइंदियादीणि / 'भोमादि'त्ति-पुढविकायसमारंभो आउक्कायसमारंभो तेउ-कायसमारंभो वाउकायसमारंभो वणस्सइकायसमारंभो, बेइंदियसमारंभो, तेइंदियसमारंभो, चउरिंदियसमारंभो, पंचेंदियसमारंभो, अजीवकायसमारंभो / समणधम्मो-खंती, मद्दवे, अज्जवे, मुत्ती, तवे, संजमे, सच्चं, सोयं, आकिंचणया, बंभचेरे / एतेहिं ठाणेहिं णिप्फत्ती सीलंगाणं भवति / तं जधा ण करेति मणेणं आहारसण्णोवयुत्तो, सोइंदियसंवुडे, पुढविकायसमारंभवज्जए, खंतिसमायुत्ते, एस एगो / ण करेति मणेणं आहारसण्णोवउत्ते, सोइंदियसंवुडे, पुढविकायसमारंभवज्जए, मद्दवसंपयुत्ते, मुत्तिसंपयुत्ते, एवं जाव बंभचेरसंपउत्ते / एवं आउक्कायसमारंभवज्जए जाव अज्जीवकायसमारंभवज्जए / एवं सोइंदिएण सतं / सेसेहिं वि इंदिएहिं सतं सतं / एवं इंदियेसु पंचसता। एते आहारसण्णोवउत्तेणं पंच सता / एवं सेसाहिं वि तिहिं सण्णाहिं पंच पंच सता / एते दो सहस्सा चउहि सण्णाहिं ण करेति एतेण लद्धा / ण कारवेति 1. कारणं पू० 2 /