Page Text
________________ 156 बृहत्कल्पचूर्णिः // [पीठिका एतेण वि दो सहस्सा। करंतं णाणुजाणति एतेण वि दो सहस्सा / एते मणजोगेण छ स्सहस्सा। वइजोगेण वि छ स्सहस्सा / कायजोगेण वि छ स्सहस्सा / तिण्णि छक्का अट्ठारस / एतेहि अट्ठारसहिं सीलंगसहस्सेहिं पाउता साहुणो णिच्चपाउता चेव भवंति / दविए पगयं तदट्ठाए त्ति / एत्थ दव्ववत्थेण अधीगारो / जम्हा भाववत्थस्स उवग्गहं करेति अतोऽर्थम् / पुणरवि दव्वे तिविहं, जहण्णगं मज्झिमं च उक्कोसं / एक्ककं तत्थ तिहा, अहाकडऽप्पं-सपरिकम्मं // 608 // "पुणरवि०" गाधा / जं दव्ववत्थं एगिदियादिणिप्फण्णं तिविधं भणितं / तं पुणो तिधा भिज्जति–जहण्णयं मज्झिमयं उक्कोसं ति / जहण्णयं मुहणंतगादि, मज्झिमं पडलादि, उक्कोसं वासकप्पादि / एतेसिं एक्केक्कं तिविधं-अधाकडं अप्पपरिकम्मं सपरिकम्मं च / चाउम्मासुक्कोसे, मासिय मझे य पंच य जहण्णे। .. वोच्चत्थगहण-करणे, तत्थ वि सट्ठाणपच्छित्तं // 609 // "चातुम्मासु०" गाधा / अस्स विभासा / जोगमकाउमहागडें, जो गिण्हइ दोण्णि तेसु वा चरिमं / लहुगा उ तिण्णि मज्झम्मि मासिआ अंतिमे पंच // 610 // "जोगमकातु०" गाधा / उक्कोसयस्स वत्थस्स अधाकडस्स णिग्गतो, तस्स जोगमकाउं अप्पपरिकम्मं उक्कोसयं गेण्हति 4 / अह उक्कोसयं चेव सपरिकम्मं गेण्हति 4 / जदा अधाकडं ण लब्भति तदा अप्पपरिकम्मं मग्गियव्वं / तस्स णिग्गओ, तस्स जोगमकाउं सपरिकम्मं उक्कोसयं चेव गेण्हति 4 / मज्झिमस्स अधाकडस्स णिग्गतो, तस्स जोगमकाउं अप्पपरिकम्मं मज्झिमयं गेण्हइ / 0 / / अह सपरिकम्मं मज्झिमं चेव गेण्हति / / / / जता अहाकडं न लब्भति तया अप्पपरिकम्मं मज्झिमं चेव मग्गियव्वं / तस्स णिग्गतो, तस्स जोगमकाउं सपरिकम्मं मज्झिमयं चेव गेण्हति / 0, जहण्णयस्स अहागडस्स णिग्गओ, तस्स जोगमकाउं अप्पपरिकम्मं जहण्णयं गेण्हइ / / / अह सपरिकम्मं मज्झिमयं चेव गेण्हति ना / जता अहाकडं न लब्भति तया अप्पपरिकम्मं मग्गियव्वं / तस्स णिग्गतो, तस्स जोगमकाउं सपरिकम्म जहण्णयं चेव गेण्हति / ना / अर्थात् प्राप्तम् / अधाकडस्स निग्गतो जोगे कए अलब्भमाणे अप्पपरिकम्मं गेण्हमाणो सुद्धो / अप्पपरिकम्मस्स वा णिग्गतो जोगे कते अलब्भमाणे सपरिकम्मं गेण्हमाणो सुद्धो // वोच्चत्थगहणे त्ति / अस्स विभासा एगयरणिग्गओ वा, अण्णं गेण्हिज्ज तत्थ सट्ठाणं / छेत्तूण सिव्विऊण व, जं कुणइ तगं ण जं छिंदे // 611 // . “एगयर०" पुव्वद्धं / उक्कोसणिग्गतो मज्झिमयं गेण्हति // 0 // [मासिकं]; जहण्णयं
| SR No. | 004440 |
| Book Title | Bruhatkalp Sutram Pithika Part 01 |
| Original Sutra Author | N/A |
| Author | Sheelchandrasuri, Rupendrakumar Pagariya |
| Publisher | Prakrit Granth Parishad |
| Publication Year | 2008 |
| Total Pages | 250 |
| Language | Sanskrit |
| Classification | Book_Devnagari & agam_bruhatkalpa |
| File Size | 20 MB |