________________ 130 बृहत्कल्पचूर्णिः // [पीठिका "गीयत्थ०" गाधा / कंठा / इदाणिं जं तं हेट्ठा भणितं 'सागारिए'त्ति / अस्स व्याख्या वच्चंतेण य दिटुं, सागारिदुचक्कगं तु अब्भासे / तत्थेव होइ गहणं, ण होति सो सागरियपिंडो // 499 // "वच्चंतेण य०" गाधा / कंठा / 'अब्भास' विसेसणं कीरति ‘मा सागारियपिंडो'त्ति काउं वोलेहिति' / 'पभु'त्ति गंतुं दुचक्कमूलं, अणुण्णविज्जा पभुं तु साहीणं / एत्थ य पभु त्ति भणिए, कोई गच्छे णिवसमीवं // 500 // किं देमि त्ति णरवई, तुब्भं खरमक्खिया दुचकित्ति / सो य पसत्थो लेवो, एत्थ य भद्देयरा दोसा // 501 // "गंतुं दुचक्क०" गाहा / णाणुण्णवेति, मासं / तम्हा पच्छित्तभीरुणा अणुण्णवेत्तव्वो / को इति चेत् ? उच्यते-पहू अणुण्णवेयव्वो त्ति काउं कोति चिंतेति-रायं मोत्तुं को अण्णो पभू, तो रायं चेव अणुण्णवेमि त्ति रण्णो सगासं गंतुं धम्मलाभेति / तत्थ राया भणेज्जा-'किं देमि?' / साधू भणति-तुब्भं सगडाणि तेल्लेण उवंगिताणि तेसिं जं होति तेण चोक्खो लेवो भवति, तं अणुजाणह मे / एत्थ 'भद्देयरा दोसा' / इतरे त्ति पंतदोसा / भद्दओ भणेज्जा-"अहो णिम्ममत्ता भगवंतो जे एतं पि अयाचितं न गेण्हंति" / ताधे भणेज्जा-मम विसए सगडाणि तेल्लेण उवंगितव्वाणि / पंतो भणेज्जा-अहो असुइणो नगरं सव्वं धरिसितं ति पदूसेज्जा घोसावेज्जा वा, जधा-मम रज्जे ३मा कोति तेल्लेण सगडाणि उर्वजउ त्ति, घयेण उवंजध / पडहओ भमितो। तम्हा दुचक्कपतिणा, तस्संदिद्वेण वा अणुण्णाते / कटुगंधजाणणट्ठा, जिंघे णासं अघट्टतो // 502 // "तम्हा दुच०" पुव्वद्धं / जम्हा एते भद्द-पंतदोसा तम्हा णाणुण्णवेतव्वो राया / को अणुण्णवेतव्वो? जो तस्स सगडस्स, अधिपती, जो वा तेणं संदिट्ठतो, तमणुण्णवेत्ता / जिंघणा य त्ति / अस्स विभासा / कडुगंधजाणणट्ठा णासेण अच्छिवंतो ओसिंघति तेल्लस्स कडुओ गंधो। इदाणि 'छक्कायजतणत्ति दारं / हरिते बीऍ चले जुत्ते, वच्छे साणे जलट्ठिए / पुढवी संपातिमा सामा, महावाते महियाऽमिते // 503 // 1. वोलेहिति पू० 2 / 2. मक्खियव्वाणि पा० / 3. ण पू० 2 / 4. ०ण्णातो ता० /
