Bruhatkalp Sutram Pithika Part 01

SR No.: 004440
Original Sutra Author: N/A
Author: Sheelchandrasuri, Rupendrakumar Pagariya
Publisher: Prakrit Granth Parishad
Publication Year: 2008
Total Pages: 250
Language: Sanskrit
Classification: Book_Devnagari & agam_bruhatkalpa
File Size: 20 MB

Page 121

100 बृहत्कल्पचूर्णिः // [पीठिका मुक्कं तया अगहिते, दुपरिग्गहियं कयं तया कलहो। पिट्टणय इयर विक्किय, गएसु चोरेहि ऊणऽग्यो // 362 // "मुक्कं त०" गाधा / जधा एगा आभीरी सगडाणि घतस्स भरेउं णगरं विक्किया गता समं भत्तारेणं-अण्णेहिं य आभीरेहिं घतविक्किणएहिं समं / तत्थ सो आभीरो उवरिं विलग्गओ, सगडस्स हेवा ठिताए तीसे आभीरीए घतघडए २पणामेति / तत्थ तेणं णायं-गहितो / ताए णातं–ण ताव मुंचति त्ति; घडतो पडित्ता भिण्णो / ताधे सा आभीरी भणति-तुमे अगहितो चेव मुक्को / आभीरो भणति-तुमाए दुग्गहितं कतं / एवं तेसिं 'तुमं तुमति २भंडंताणं कलहो जातो / पच्छा उत्तरित्ता णीसहूँ पिट्टिता / तं पि छड्डिएल्लयं घयं तेसिं भंडंताणं सुणयजातीएहिं चट्टितं भूमीए य पविटुं / ताव य अण्णेहिं घतविक्किणएहिं विक्कियं / ताहे ताइं पविक्कीयाई ऊणग्घेण / तेसु य घयविक्किणएसु गतेसु सग्गामं ताई एकल्लयाणि जायाणि / चोरेहिं उच्छूढाति / एवं जो सीसो आलावयं विच्चामेलेंतो आयरिएहिं भणितो-अज्जो ! मा एवं भण, ताधे सो भणति मा णिण्हव इय दाउं, उवजुंजिय देहि किं विचिंतेसि / विच्चामेलणदाणे, किलिस्ससी तं च हं चेव // 363 // "मा णिण्हव०" गाधा / तुमए चेव एवं दिण्णं / आयरिओ भणति–ण देमि अहं, एवं तुमे विणासितं / सीसो भणति-मा णिण्हवाहि, ण वट्टति अप्पणा चेव एवं दाउं, उवउज्जिउं देहि, मा अण्णं चेव चिंतेहि / विच्चामेलिए दिज्जंते अहं च तुमं च किलिस्सामो। एतेण कारणेणं उवउज्जिउं उवउज्जिउं देहि / एवं तेसिं असंखडं भवति / एरिसस्स ण दातव्वं / अण्णा आभीरी तधेव णगरं गता / तधेव भिण्णं / ताधे सो भणति, ण तुमं दोसो, ममं एस दोसो / बितियो वि भणति-न तुमं, ममं ति / तधेव सा वालुया संगहिता / उण्होदएणं तावेत्ता सीयलं काउं सव्वं णिरवयवं गहितं / एवं जो सीसो ‘मा विच्चामेलेहि' त्ति भणितो, 'मिच्छामि दुक्कडं मए विणासितं' ति / जति वा आयरिएहिं अणुवयुत्तेहिं दिण्णं जं ताधे भणंति 'मिच्छामि दुक्कडं मए चेव अणुवउत्तेणं दिण्णं' ति / एत्तिएणं चेव गतं भवति / एरिसस्स दायव्वं / इदाणि एतेसि सेलादीणं आभीरीपज्जवसाणाणं पच्छित्तं भण्णति सेल-कुडछिद्द-चालिणि, सुद्धो चउगुरुग घडदुवे होति / परिपूण महिस मसए, बिरालि आभीरि एमेव // 364 // 1. विक्विणिता पा० / 2. पणावेति पू० 2 / 3. भणंताणं पू० 2 विना / 4. उद्दूढाति पू० 2 /