Bruhatkalp Sutram Pithika Part 01

SR No.: 004440
Original Sutra Author: N/A
Author: Sheelchandrasuri, Rupendrakumar Pagariya
Publisher: Prakrit Granth Parishad
Publication Year: 2008
Total Pages: 250
Language: Sanskrit
Classification: Book_Devnagari & agam_bruhatkalpa
File Size: 20 MB

Page 120

भाष्यगाथा-३५५-३६१] णेहि जितो मि त्ति अहं, असिवोवसमीऍ संपयाणं च। छम्मासियघोसणया, पसमेति ण जायए अण्णो // 360 // ___ "सक्क०" गाधाद्वयम् / सक्को सभाए भणति-केसवा सव्वे गुणगाहिणो णीययुद्धं च ण करेंति / तत्थ एगो देवो असद्दहतो भणति-'अहं अगुणे गेण्हावेमि णीययुद्धं च कारेमि'त्ति / कण्हस्स अरिहणेमिवंदगस्स सखंधावारस्स पट्ठितेल्लियस्स अंतरा सुणहरूवं कुधितं दुब्भिगंधं मतेल्लयं, दंता से अतीव पंडरया सोभमाणा विउव्विया / ताधे सो खंधावारो जाधे तं पदेसं पत्तो, ताधे उत्तरिज्जएहिं मुहं ठवेत्ता अण्णेणं अंतेणं पगतो। कण्हेण पच्छातो एंतेण पुच्छितं 'किमेतं ति ?' / 'सुणहो कुधितो' त्ति / ताधे सो तेण चेव अंतेण आगतो, मुहं च णेण न चेव 'कुणितं ठतियं वा ण वि य विरूवं कयं, एयं च पुणो भणियं-अहो ! सुणयस्स २पंडुरा दंता सोभंति य त्ति, जाधे ण खोभितो ताधे ३पडिएंतस्स आसरयणमणेण अक्खित्तं / कधितं वासुदेवस्स / संबादिया कुमारा णिग्गता / ते जुद्धे भग्गा / ताधे सयं वासुदेवो णिग्गतो / दिट्ठो य अणेणं आसो णिज्जंतो / भणितो य णेणं-किं आसं अवहरसि त्ति ? देवो भणति-अहं अमुगो विज्जाहरो, जुद्धं मग्गामि / बाढं जुज्झामो, केरिसेणं जुज्झेणं ति पुच्छितो देवो भणतिपरोप्परं पुतफेट्टाहिं। वासुदेवो भणति–णाहमेरिसेणं जुद्धणं जुज्झामि त्ति पराजितो हं, णेहि आसं ति / ताधे देवो सरूवं काउं भणति-सच्चं सक्को भणति / ब्रूहि वरं / कहियं च णेणं सव्वं / ताहे वासुदेवो भणति-मम असिवोवसमणि भेरिं देहि, ५जीए ताडिताए जत्थ तीसे सद्दो सुव्वति तत्थ छम्मासे रोगातंको ण भवति, पुव्वुप्पण्णा य खिप्पामेव उवसमंति / दिण्णा भेरी। गतो देवो / आगंतु वाधिखोभो, महिड्डि मोल्लेण कंथ डंडणया। अट्ठम आराधण अण्ण भेरि अण्णस्स ठवणं च // 361 // "आगंतु०" गाधा / तत्थ अण्णदेसीओ वाणिओ आगओ / महिड्डीओ त्ति ईसरो / सो सीसवेयणाए गहितो / तस्स वेज्जेणं गोसीसचंदणमुवतिटुं / अण्णत्थ अलब्भमाणे रहस्सितयं बहुं मोल्लं दाउं ततो खंडं दिण्णं / तत्थऽण्णं लाइतं / एवं सा तेणं कंथा कता / पच्छा से तारिसो * सद्दो नत्थि / ण य रोगा उवसमंति / भेरी जोताविया जाव कंथा कता / ताधे सो भेरीपालो सकुलो उच्छादितो / ताधे वासुदेवेणं अट्ठमेणं भत्तेणं आराधित्ता अण्णा लद्धा / अण्णो य भेरीपालो ठवितो / सो आयरेणं रक्खति / एवं जो सीसो आलावए णटे समाणे अण्णं लाएति लोइयं एवं सो वि कथं करेति / तस्स ण दातव्वं / जो तहेव रक्खति तस्स दातव्वं / इदाणि 'आभीरि'त्ति दारं 1. विक्कुणियं ठतियं वा, भणियं च णेणं-अहो ! पू० 1-2, पा० / 2. पंडरा पू० 1-2, पा० / 3. पडिनियत्तस्स पू० 1 / 4. आसं हरसि पू० 2, पा० / 5. जाए तालिताए पू० 2 /