Page Text
________________ [20] वलमेधावृद्धिकरम् / ब्रह्मचर्येणैव परिपुष्टं शरीरं सर्वार्थसाधनक्षमं दृढ़ञ्चोपजायते। तत्प्रभावेण सर्वथाऽत्मानं समुद्धरन्तोऽपरानपि समुद्धर्तुमर्हन्ति महात्मानः / न च ब्रह्मचर्याद् ऋते स्वश्रेयसकरः सर्वश्रेष्ठः पन्था अवलोक्यतेऽत्र अगति, येनात्मकल्याणं साधयितुं शक्यते / प्रतिकूला अनुकूलाथ सर्वे जन्तवो ब्रह्मचर्यनिष्ठं मनागपि धर्षयितुं नैव प्रभवन्ति कदाचिदिति / सभायामुपस्थितस्त्रिभुवन पाल इदं व्याख्यानं श्रुत्वा ब्रह्मचर्यपालनव्रतं स्वीचकार / एवंविधान्यन्यानि धर्मभावनापरिपूर्णानि व्याख्यानानि समाकये चान्त मात्रा पित्रा चानुमोदितः सूरेः सकाशाद् दीक्षामग्रहीत् / अनन्तरमस्य देवभद्रेति नाम परिवर्तितम् / अथ सशिष्यः सूरिाटसौराष्ट्रकच्छदेशेषु विहरन् क्रमेण शिवनगरं जगाम / तत्र परमप्रीतान्तःकरणेन गोंदारावेण, श्रीसंघेन च समहोत्सवमस्य नगरप्रवेशः सम्पादितः / अत्र धर्मप्रीतिसंवर्धकानि व्याख्यानानि श्रावयित्वा जातवैराग्यान-अष्टचत्वारिंशजनान् दीक्षयामास / चातुर्मासः सर्व भक्तजनमतमनुमान्य विहितः / सर्वेषामाग्रहेण, सच्चायिकापरापर्शन, गोंदारावस्य सूचनाश्च विचिन्त्य, स्वस्य वृद्धत्वमपि समालक्ष्य देवभद्रं सूरिपदे संस्थाप्य श्रीककसूरि-इति नाम कृतवान्। यक्षदेवमूरिः / चातुर्माससमाप्तौ बहवो दीक्षार्थमुत्सुका अभूवन् / पञ्चषष्ठि 65 संख्यकैजनैर्दीक्षा गृहीता / सूरेरनुज्ञया गोंदारावेण शत्रुजयं प्रति संधो महता समारोहेण निष्कासितः / तत्र च श्रद्धा भक्तिसमन्वितेन नवलक्षपरिमिता मुद्रा विनियुक्तास्तेन। तीर्थयात्रां विधाय मूरिः सशिष्यः प्रतिनिवृत्तः। अथ विहरनसौ लवपुरं [ लोहाकोट ] नगरमेत्य धमदेवाग्रहात्तनिर्मितनूतनमंदिरे श्रीपार्श्वनाथस्य प्रतिमायाः प्रतिष्ठामकरोत् / तदेव धर्मकार्य विधाय तक्षशिलामागच्छत् / तत्र च चेतश्च. मत्कारजनकेन व्याख्यानेन भक्तिप्रवणान् द्वादशपरिमितान् भिन्नभिन्नजातीयान् दीक्षितान् चकार / एवं महता समुत्साहेन सर्वत्र धर्मप्रचारं विदधदसौ सूरिरासन्नकालं योगदृष्टया ज्ञात्वाऽनशनपूर्वकं सप्तविंशतिदिनानि स्थित्वा समाधिना देहमसृजत् / __अथ नभोमध्यमारूढस्तीक्ष्णमरीचिमाली सूर्य इव ज्ञानोपदेशेन सर्वान् धर्मतत्वं संबोधयन् कक्कसूरिविहारक्रमेण शिष्यमण्डलयुतः श्रीपुरपत्तनमगच्छत् / संघेन राजपालेन च स्वागतं विहितम् / भद्वितीयप्रभावपूर्णेन धार्मिक प्रवचनमारब्धम् / सर्वं च स्वधर्मतत्वरहस्यं ज्ञात्वाऽश्चर्यनिमग्नमानसा अभूवन् / तत्र राजपालश्चतुर्विध संघमामन्त्र्य सम्मेतशिखरं प्रति यात्रां कारयामास / महापरिमाणक द्रव्यं धर्मकर्मणि व्ययीकृतं तेन / / सम्मेतशिखरयात्रायाः प्रतिनिवृत्य विहरन्नसौ कलिंगदेशे खण्डगिरेरुदयगिरेश्च दर्शनं विधाय मधुरापुरीमलंचकार / तत्रोपकेशीयैः कृतं सद्भावभरितं स्वागतं स्वीकृत्य परमहष्यत् / सर्वेषां धार्मिकाणामभिलाषां पूरयन् चातुर्मासव्रतं चकार / सूरिवदनकमलावस्थितोपदेशामृतास्वादलुब्धहृदयेन पनाशाहेन भीभगवतीसूत्रवाचना कारिता / सपादलक्षपरिमिताभिमुद्राभिः श्रीभगवतीसत्रवाचनामहो. त्सवं सहर्षमकरोत् पनाशाहः / तत्र कृतावस्थितिना मूरिणाऽधो लिखितानि धार्मिकाणि कार्याणि संपादितानि /
| SR No. | 004433 |
| Book Title | Parshwanath Paramparaya Itihas |
| Original Sutra Author | N/A |
| Author | Devguptasuri, Gorinath Shukla |
| Publisher | Ratnaprabhakar Gyan Pushpmala |
| Publication Year | 1945 |
| Total Pages | 150 |
| Language | Sanskrit |
| Classification | Book_Devnagari |
| File Size | 20 MB |