Page Text
________________ 388 शोभनस्तुति-वृत्तिमाला विशेषणं क्रियते / पुनः किंविशिष्टा या ? / अविषमा-सौम्या विषभृतः-सर्पाः त एव तेषां वा भूषणानि यस्याः सा ‘अविषमविषभृद्भूषणा' / पुनः किंविशिष्टा या ? | ‘अभीषणा' अक्रूरा | पुनः किंविशिष्टा या ? / भीः-भयं तेन (तया) हीना-रहिता / पुनः किंविशिष्टा या ? / 'कुवलयं-नीलोत्पलं, तस्य वलयंमण्डलं तद्वत् श्यामो-नीलो देहो यस्याः सा 'कुवलयवलयश्यामदेहा' नीलकृष्णयोरैक्यत्वात् / पुनः किंविशिष्टा या ? / अमदा-अनौद्धत्यकारिणी ईहा-चेष्टा इच्छा-वाञ्छा वा यस्याः सा 'अमदेहा' / एतादृशी वैरोट्या त्वां तर्याद् (त्रासाद्?) रक्षताम् / इति पदार्थः / / .. अथ समासः-तारं तेजो यस्याः सा तारतेजाः / सन् चासौ असिश्च सदसिः, सदसिं बिभर्तीति सदसिभृत् / अलकानां अन्ताः अलकान्ताः, कान्ताश्च ते अलकान्ताश्च कान्तालकान्ताः, कालाः कान्तालकान्ता यस्याः सा कालकान्तालकान्ता / अपगता अरयो यस्मात् स अपारिः, तमपारिम् / पारिन्द्राणां राजा इति पारिन्द्रराजः, तं पारिन्द्रराजम् / ‘राजाहःसखिभ्यष्टच्' (पा० अ० 5, पा० 4, सू० 91) / “पारिन्द्रो वाहसः शयुः” इति हैमकोषः (का० 4, श्लो० 371) / सुष्ठु रवो यासां ताः सुरवाः, सुराणां वध्वः सुरवध्वः, सुरवाश्च ताः सुरवध्वश्च सुरवसुरवध्वः, सुरवसुरवधूभिः पूजिता सुरवसुरवधुपूजिता / अरीणां समूहः आरं, आरं जितं येन स जितारः, तं जितारम् / न विषमः अविषमः, विषं बिभर्तीति विषभृत्, अविषमश्चासौ विषभृत् अविषमविंषभृत्, एवं (स एव) भूषणं यस्याः सा अविषमविषभृद्भूषणा; यद्वा अविषमविषभृतः भूषणं यस्याः सा अविषमविषभृद्भूषणा / न भीषणा अभीषणा | भिया हीना भीहीना / अहीनां इनः अहीनः, अग्र्या चासौ पनी च अग्र्यपत्नी, अहीनस्य अग्र्यपत्ती अहीनाग्र्यपत्ती / कुवलयानां वलयं कुवलयवलयं, कुवलयवलयवत् श्यामो देहो यस्याः सा कुवलयवलयश्यामदेहा / न मदा अमदाः, अमदा ईहा यस्याः सा अमदेहा ' / अस्यां स्तुतौ सर्वपदेषु चित्रयमकालङ्कारः / इति तुर्यवृत्तार्थः / / 92 / / श्रीमत्पार्धजिनेन्द्रस्य, स्तुतेरों लिपीकृतः / - सौभाग्यसागराख्येन, सूरिणा ज्ञानसेविना / / त्रयोविंशतितमश्रीपार्श्वजिनस्तुतिः // 4 / 23 / 92 // दे० व्या०-यातेति / सा वैरोट्या देवी त्वां-भवन्तं त्रासाद्-आकस्मिकभयाद् अरं-शीघ्रं यथा स्यात् तथा त्रायतां-रक्षतादित्यन्वयः / 'त्रा रक्षणे' धातुः / 'त्रायताम्' इति क्रियापदम् / का कर्जी ? / वैरोट्या देवी / कं कर्मतापन्नम् ? / त्वाम् / (कस्मात्?) त्रासात् / किंविशिष्टं त्वाम् ? / 'जितारं' अरीणो समूहः 1. 'कुवलयानि-नीलोत्पलानि तेषां वलयं' इति प्रतिभाति / 2. 'ऐक्यत्वाद्' इत्यनुचितम्, 'ऐक्याद्' इत्यत्रोचितम् /
| SR No. | 004430 |
| Book Title | Shobhan Stuti Vruttimala Part 02 |
| Original Sutra Author | N/A |
| Author | Rihtvardhanvijay |
| Publisher | Kusum Amrut Trust |
| Publication Year | 2010 |
| Total Pages | 234 |
| Language | Hindi |
| Classification | Book_Devnagari |
| File Size | 5 MB |