Page Text
________________ श्रीपार्धजिनस्तुतयः 383 पातकामौ, न स्तः पातकामौ यस्याः सा अपातकामा, यद्वा ततहततमःपातकाश्च अपातकामाश्च यस्यां सा तैतहततमःपातकापातकामा / शास्ति-शिक्षयतीति शास्त्री / यद्वा शास्त्राणां ईशा शास्त्रीशा / स्त्रियश्च नराश्च स्त्रीनराः, तेषां स्त्रीनराणाम् / हृदयं हरतीति हृदयहृत् / न यशांसि अयशांसि, अयशसां रोधिका अयशोरोधिका / न विद्यते बाधा यस्यां सा अबाधिका [वा] | आदातुं योग्या आदेया / इति तृतीयवृत्तार्थः / / 91 / / दे० व्या०-सद्योऽसद्योगेति / सा जैनराजी वाग्-वाणी इह-अस्मिन् लोके ते-तुभ्यं सद्यः-तत्कालं मुदं-हर्षं देयाद्-दद्यादित्यन्वयः / ‘दा दाने' धातुः / ‘देयाद्' इति क्रियापदम् / का कर्ची ? / वाक् / कां कर्मतापन्नाम् ? / मुदम् / कस्य ? / ते-तव / कस्मिन् ? / इह / कथम् ? / सद्यः / किंविशिष्टा वाक् ? / 'जैनराजी' जिनराजानामियं जैनराजी / पुनः किंविशिष्टा ? / 'असद्योगभित्' असन्तम्-अशोभनं योगकायादिव्यापारं यद्वा असद्भिः-असाधुभिः योग-सम्बन्धं भिनत्तीति तथा / पुनः किंविशिष्टा ? / 'अमलगमलया' अमला-निर्मला ये गमाः-सदृशपाठाः तेषां लयः-श्लिष्टता यत्र सा तथा / पुनः किंविशिष्टा ? | ‘इनराजीनूता' इनाना-राज्ञां सूर्याणां वा राजी-पंक्तिः तया नूता-स्तुता / पुनः किविशिष्टा ? / 'नूतार्थधात्री' नूता-नवीना ये अर्थास्तेषां धात्री-धरणशीला | पुनः किंविशिष्टा ? / 'ततहततमःपातका' तमः-अज्ञानं पातकं-पापं अनयोः 'द्वन्द्वः', पश्चात् तते-विस्तृते हते-नाशिते तमःपातके ययेति विग्रहः / पुनः किंविशिष्टा ? | ‘अपातकामा' नास्ति पातः-च्यवनं कामः-कन्दर्पो यस्यां सा तथा / पातश्च कामश्चेति पूर्वं 'द्वन्द्वः' / पुनः किंविशिष्टा ? / शास्त्री-शास्त्रसम्बन्धिनी / शास्त्रीशासिका / 'शासु अनुशिष्टौ' / 'तस्येदम्' (पा० अ० 4, पा० 3, सू० 120) / पुनः किंविशिष्टा ? / 'हृदयहृत्' हृदयं हरतीति हृदयहत्, मनोहारिणीत्यर्थः / केषाम् ? / नराणां-मनुष्याणाम् / पुनः किंविशिष्टा ? / 'अयशोरोधिका' न यशः अयशः इति 'नसमासः', तस्य रोधिका-प्रसरणविघातिनी / पुनः किंविशिष्टा ? / 'अबाधिका' बाधा-पीडा तां न करोतीत्यबाधिका, सर्वेषां सुखजनकोपदेशदातृत्वात् / पुनः किंविशिष्टा ? | ‘आदेया' आदातुं योग्या आदेया, ग्रहणयोग्येत्यर्थः, अविसंवादित्वेन सर्वैरपि तद्ग्रहणात् / वाक् किं कुर्वती ? ।त्याजयन्ती-मोचयन्ती / काम् ? |जरां-वयोहानिम् / कथम् ? / 'मनुजमनु' पुमांसं पुमांसं अनु-लक्षीकृत्य / पुनः किं कुर्वती ? / जयन्ती-जयमासादयन्ती / इति तृतीयवृत्तार्थः / / 91 / / ध० टीका-सद्य इति / ‘सद्यः' तत्क्षणम् / ‘असद्योगभित्' असन्तं-अशोभनं योग-कायादिव्यापारं, असद्भिर्वा-असाधुभिर्योग-सम्बन्धं भिनत्ति या सा | ‘वाक्' वाणी / ‘अमलगमलया' अमलो गमानां लयः
| SR No. | 004430 |
| Book Title | Shobhan Stuti Vruttimala Part 02 |
| Original Sutra Author | N/A |
| Author | Rihtvardhanvijay |
| Publisher | Kusum Amrut Trust |
| Publication Year | 2010 |
| Total Pages | 234 |
| Language | Hindi |
| Classification | Book_Devnagari |
| File Size | 5 MB |