Page Text
________________ 374 शोभनस्तुति-वृत्तिमाला अवचूरिः मा-मां पातात्-नरकादिपतनात् पाताद्-रक्षतात् / स पार्थः-त्रयोविंशो जिनः / किंविशिष्टः ? / मालां-स्रजं दधत्-दधानः / यां मालामलीनां-भ्रमराणामाली-पटली उदारा-प्रचुरा मुदा-हर्षेण आराद्अन्तिके अरम्-अत्यर्थं लीना-श्लिष्टा सती अदधत्-पीतवती / किंभूताम् ? / मधुरो मधुः-मकरन्दरसो यस्याः सा ताम् / पार्श्वः किंभूतः ? / आलानवद् बाहू यस्य सः / सुष्ठु उचिता या उमा-कीर्तिस्तया चितो-व्याप्तः / रुचिररुचयोः-रम्यकान्तयो रदा-दन्ता यस्य सः / तथा यस्येयं यदीया तनुः-शरीरं आपत्त्रा-विपदो रक्षिका / किंभूता ? / देवानां संबन्धिनी या राजीवराजी-स्वर्णाम्बुजश्रेणी सैव पत्र-वाहनं यस्याः सा / पार्थः किंभूतः ? / अतनुर्योजनप्रमाणभूमौ श्रूयमाणत्वात् प्रौढो रवो-देशनाध्वनिर्यस्य सः / नन्दकः-समृद्धिजनकः नन्दयिता वा / नोदको नो-प्रेरको न भवतीत्यर्थः / / 89 / / जिनेश्वराणां स्तुतिःराजी राजीववक्त्रा तरलतरलसत्केतुरङ्गत्तुरङ्ग व्यालव्यालग्नयोधाचितरचितरणे भीतिहद् याऽतिहृद्या / सारा साऽऽराज्जिनानामलममलमतेर्बोधिका माऽधिकामा दव्यादव्याधिकालाननजननजरात्रासमानाऽसमाना // 2 // 90 // - सग० (1). ज० वि०-राजीति / सा जिनानां-तीर्थकृतां राजी-श्रेणी, माशब्दोऽस्मच्छन्दस्य द्वितीयैकवचनान्तो विशेषादेशे सिद्धो मामित्यस्यार्थे वर्तते, 'अधिकामात्' अधिक-उत्कटो य आमो-रोगस्तस्मात्, अथवा आधिः-मनःपीडा, कामः कन्दर्पः तस्मात् (अलम्) अव्यात्-पायात् इति क्रियाकारकयोगः / अत्र अव्यात्' इति क्रियापदम् / का कर्ची ? 'राजी' / केषाम् ? 'जिनानाम्' / कं कर्मतापन्नम् ? 'मा' / कस्मात् ? 'अधिकामात्' 'आधिकामाद्वा' / जिनानां राजी कथंभूता ? 'राजीववक्त्रा' कमलवदना / पुनः कथं० ? 'अतिहृद्या' अतिशयेन हृदयङ्गमा / पुनः कथं० ? 'सारा' उत्कृष्टा / पुनः कथं० ? 'बोधिका' बोधिजनका / कस्य ? ‘अमलमतेः' निर्मलधियो जनस्य | पुनः कथं० ? 'अव्याधिकालाननजननजरात्रासमाना' व्याधिः-रोगः, कालाननं-यममुखं, जननं-जन्म, जरा-वार्धकं, त्रास-आकस्मिकं भयं, मानः-अहङ्कारः,
| SR No. | 004430 |
| Book Title | Shobhan Stuti Vruttimala Part 02 |
| Original Sutra Author | N/A |
| Author | Rihtvardhanvijay |
| Publisher | Kusum Amrut Trust |
| Publication Year | 2010 |
| Total Pages | 234 |
| Language | Hindi |
| Classification | Book_Devnagari |
| File Size | 5 MB |