Page Text
________________ 150 शोभनस्तुति-वृत्तिमाला __ श्रीसुविधिजिनेन्द्रस्य, स्तुतेरो लिपीकृतः / सौभाग्यसागराख्येण, सूरिणा ज्ञानसेविना // ___ // इति नवमश्रीसुविधिजिनस्य स्तुतिः // 4 / 9 / 36 // दे० व्या०-दिश्यादिति / ज्वलनायुधा देवी तव कं-सुखं आशु-शीघ्रं यथा स्यात् तथा दिश्यात्दद्यात् इति सम्बन्धः / 'दिश अतिसर्जने' धातुः / दिश्यात्' इति क्रियापदम् / का की ? / ज्वलनायुधा / किं कर्मतापन्नम् ? / कम् / “कं शिरो जलमाख्यातं, कं सुखं परिकीर्तितम्” इत्यनेकार्थः / कस्य ? / तव / किंविशिष्टा ज्वलनायुधा ? / 'अल्पमध्या' अल्पं मध्यं-मध्यभागो यस्याः सा तथा / अणुकोदरेत्यर्थः / पुनः किंविशिष्टा ? / सिता-गौरा / पुनः किंविशिष्टा ? / अध्यासिता-आरूढा / कम् ? / 'उरुपृष्ठं उरुविस्तीर्णं यत् पृष्ठं-पृष्ठभागम् / उरु इति पृथगेव पदमित्यपि कश्चित् / कस्य ? / 'अकम्प्रवरालकस्य' अकम्प्रः-स्थिरो यो वरालकः-देववाहनविशेषः तस्य / पुनः किंविशिष्टा ? / 'अस्तेन्दुः' अस्तो न्यक्कृतः इन्दुः-चन्द्रो यया सा तथा / कया? / रुचा-कान्त्या / कस्य ? / आस्यस्यमुखस्य / किंविशिष्टस्य आस्यस्य ? / ‘प्रवरालकस्य' प्रकर्षण वरः-समीचीनः अलकः-चूर्णकुन्तलो भाले भ्रमरकविशेष इति यावत् यस्य तत् तस्य / “अलकाचूर्णकुन्तलाः” इत्यमरः (श्लो० 1265) / इति तुरीयवृत्तार्थः / / 36 / / उपेन्द्रवज्राच्छन्दः / “उपेन्द्रवज्रा जतजा गयुग्मम्” इति तल्लक्षणम् // 4 / 9 / 36 // ध० टीका-दिश्यादिति / 'दिश्यात्' उपनीयात् / 'तव' भवतः / ‘आशु' क्षिप्रम् / 'ज्वलनायुधा' सर्वासमहाज्वाला / ‘अल्पमध्या' कृशोदरी / 'सिता' शुक्लवर्णा / 'कं' सुखम् / 'प्रवरालकस्य' प्रधानकुरलस्य / ‘अस्तेन्दुः' न्यक्कृतमृगाङ्का / ‘आस्यस्य रुचा' मुखकान्त्या / 'उरु' विशालम् / ‘पृष्ठं' उपरिभागम् / 'अध्यासिता' अध्यारुढा / ‘अकम्प्रवरालकस्य' अकम्प्रः-स्थिरो यो वरालको-वाहनविशेषस्तस्य // 4 / 9 / 36 // अवचूरिः तव ज्वलनायुधा देवी कं-सुखं दिश्यात्-करोतु / किंभूता ? / अल्पं-तुच्छं मध्यं-मध्यभागो यस्याः सा, कृशोदरीत्यर्थः / सिता-शुभ्रा / प्रवरालकस्य-प्रवरकुन्तलस्य / अस्तेन्दुः-न्यक्कृतमृगाङ्का / कया ? | आस्यस्य-मुखस्य रुचा-कान्त्या / उरु-विस्तीर्णं पृष्ठमध्यासिता-अध्यारूढा / कस्य ? / अकम्प्रः-स्थिरो यो वरालको-देववाहनविशेषस्तस्य / / 4 / 9 / 36 //
| SR No. | 004429 |
| Book Title | Shobhan Stuti Vruttimala Part 01 |
| Original Sutra Author | N/A |
| Author | Rihtvardhanvijay |
| Publisher | Kusum Amrut Trust |
| Publication Year | 2010 |
| Total Pages | 234 |
| Language | Hindi |
| Classification | Book_Devnagari |
| File Size | 5 MB |