________________ // अहम् // // षडशीतिनामा चतुर्थः कर्मग्रन्थः // निच्छिन्नमोहपासं पसरियविमलोरुकेवलपयासं / पणयजणपूरियासं, पयओ पणमित्तु जिणपासं // 1 // वोच्छामि जीवमग्गणठाणुवओगजोगलेसाई / किंचि सुगुरूवएसा, सन्नाणसुझाणहेउत्ति // 2 // 'इह सुहुमबायरेगिदिवितिचउअसन्निसन्निपंचिंदी / अपजत्ता पज्जचा, कमेण चउदस जियट्ठाणा / / 3 / / सव्वभणियव्वरलेसु तेसु गुणठाणगाइ ता भणिमो / पढमगुणा दो बायरवितिचउरअसन्नि अपजत्ते // 4 // सन्निअपज्जत्ते मिच्छदिविसासाणअविरया तिनि / सव्वे सनिपजत्ते, मिच्छं सेसेसु सत्तसु वि // 5 // जोगा छसु अप्पज्जत्तएसु कम्मइगउरलमिस्सा दो। वेउब्वियमीसजुया, सनिअपज्जत्तए तिमि // 6 // विति अपज्जत्ताण वि, तणपज्जत्ताण केइ ओरालं। बायरपज्जत्ते तिन्नि उरल वेउब्वियदुगं च // 7 // उरलं सुहुमे चउसु य, भासजुयं पनरसावि सन्निम्मि / उवओगा दससु तओ, अचक्खुदंसणमनाणदुगं // 8 // चक्खुजुया चउरिदियअसन्निपज्जत्तएसु ते चउरो / / मणनाणचक्खुकेवलदुगरहिया सन्निअपजरो // 9 // सव्वे सन्निसु एत्तो, लेसाओ छावि दुविहसन्निमि / चउरो पढमा बायर-अपजत्ते तिनि सेसेसु // 10 // सत्तट्ठ 1 अट्ठ२ सत्तट्ठ 3 अट्ठ४ बंधु१दयुरदीरणा३'संता 4 / - तेरससु जीवठाणेसु सनिपज्जत्तए ओघो // 11 // 1 चउदसजियठाणेसुगुणजोगुवओगलेसबंधुदया / उदीरणया सत्ता वत्तव्या अटुपयकमसो // 3 // " इत्यधिका प्रक्षिप्तगाथा हस्तलिखितप्रत्तौ दृश्यते / 2 "सत्ता" इत्यपि /
