________________ 16 ] षडशीतिनाम्नि चतुर्थे कर्मग्रन्थे नरगइपणिंदितसतणुनरअपुमकसायमइसओहिदुगे। अच्चक्खुछलेसाभव्वसम्मदुगसन्निसु य सव्वे // 36 // (राम०) मणुयगईए 1 पंचिदिए 2 तसकाए 3 कायजोगे 4 पुरिसवेए 5 नपुसंगवेए 6 कमायचउक्के वि 10 मइनाणे 11 सुयनाणे 12 ओहिनाणे 13 ओहिदरिसणे 14 अचक्खुदरसिणे 15 लेसछक्के 21 भव्वे 22 वेयगसम्म 23 खाइगसम्म 24 सन्निए य 25, एएसि पणवीसाए दाराणं पण्णरस वि जोगा / सव्वेसि मणुयगईसंभवाओ // 36 // . एगिदिएसु पंच उ कम्मइगविउव्विउरलजुअलाणि / कम्मुर लदुर्ग अन्तिमभासा विगलेसु चउरोत्ति // 37 // (राम०) एगिदिएसु पंच जोगा-कम्मइगं ओरालियदुगं वेउवियदुगं च / वेउव्वियदुर्ग वाउए पडुच / कम्मइगं ओरालियदुगं असच्चमोसभासा य चत्तारि जोगा बेइंदिय-तेंइदियचउरिदिएसु // 37 // कम्मुरलदुगं थावर काए वाए विउविजुयलजुयं / पढमंतिममणवइदुगकम्मुरलदु केवलदुगंमि // 38 // , (राम०) कम्मगं ओरालियदुगं च तिन्नि जोगा थावरकाए / थावरकाओ पंचहा पुढविआउ-तेउ-वाउ-वणस्सइ-कायो / वाए विउव्विदुगेण जुया ते चेव जोगा पंचेव / पढमं सच्चमणं सच्चभासा अंतिमं असच्चमोसमणं असच्चमोसा भासा य, कम्मणं ओरालियदुगं च सत्त जोगा केवलिदुगम्मि // 38 // थीवेयअनाणोवसमअजयसासणअभव्वमिच्छेसु / तेरस मणवइमणनाणछेयसामइयचक्खुसु य // 39 // (राम०) थीवेओ 1 अन्नाणतिगं 4 उवसमसम्मत्तं 5 अविरओ 6 सासायणं 7 अभव्वं 8 मिच्छं 9 च, एएसु नवसु दारेसु तेरस जोगा / जओ आहारदुगस्सासंभवो / मणजोगो 1 वइजोगो 2 मणपज्जवनाणं 3 छोओवट्ठावणियं 4 सामाइयं 5 चक्खुदरिसणं 6 च एएसि छण्हं दाराणं ओरालियमिस्सकम्मइगवज्जा तेरस जोगा / अपडिपुन्नो मिस्सो इतिकहं वेउव्वाहास्गमिस्सेसु चक्खुदरिसणं ? भाविनि भूतवदुपचारात् / भणियं च"थीमाइनवसु तेरस जोगाहारेसु हारगदुगुणा / कम्मुरलमीसऊणा मणमाईणं तु छण्हं पि॥" // 39 // पलजय।
