________________ 21 षडशीतिनाम्नि चतुर्थे कर्मग्रन्थे बंधाइ अप्पबहुत्तं च भणामि त्ति संबंधो 'किंचि' ति सुयसागराओ बिंदुमेत्तं 'उद्धरिय, सुगुरूवएसा न समईए विगप्पियं किं निमित्तं 'सन्नाणसज्झाणहेउ ति' ति तत्थ नाणं वत्थुगओ बोहो जीवाइपयत्थेसु झाणं असुहमणवयणकायनिरोहो, जओ वुत्तं ___ "भंगियसुयं गुणतो, वट्टइ निविहे वि झाणम्मि / अत्योहाए तस्सेव मणो संभासणेण पुण वयणं / होइ चिय सुनिरूद्धो तल्लिहणाईहि पुण काओ / / " सोहणं जं नाणज्झाणं तस्स हेऊ तप्पओयणं जेण तं पयट्टइ ति / / 1-2 // पुव्वं "जीवट्ठाणाईसु गुणट्ठाणाई वोच्छामि" ति वुत्तं, अओ पढमं ताव जीवट्ठाणाणि सरूवओ मणेइ इह सुहुमबायरेगिदिवितिचउअसन्निसन्निपंचिंदी / . अपजत्तापजत्ता कमेण चउदस जियटाणा // 3 // (राम०) सुहुमा एगिदिया वायरा एगिदिया बेइंदिया तेइंदिया चउरिदिया असन्निपंचिदिया सन्निपंचिंदिया / एवं सत्त, सत्त वि दुविहा अपज्जत्तगा पज्जत्तगा य. एए चउदस जीवट्ठाणा // 3 // एएसु गुणट्ठाणाईणं कमेण मग्गणा कीरइ / तत्थ पढमं गुणट्ठाणमग्गणा, जस्स जत्तिया गुणट्ठाणा तं भन्नति सव्वभणियव्वमूलेसु तेसु गुणठाणगाइ ता भणिमो / पढमगुणा दो बायरबितिचउरअसनिअपजत्ते // 4 // (राम०) इह पगणे जे केइ अत्था भणियव्वा तेसिं सव्वेसि जीवा मूलं, तेण "सव्वभणियध्वमूलेसु" त्ति वुच्चइ / अतो तेसु गुणठाणाईणि ताव भन्नति / आइसदाओ जोगा उवओगा लेसा, बंधो उदओ उदीरणा सत्ता य मूलपयडीणं। पठमगुणा दो-मिच्छत्तं सासायणं च, बायर एगिदिय-बेइंदिय-तेइंदिय-चउरिदियअसन्निअपज्जत्तगेसु ए सु पंचसु दो गुणट्ठाणा लभंति / अपज्जत्त गाण सासायणो कहं ? भन्नइ,-सन्निपंचिंदिया पुचि एएसु बद्धाउया अंते उवसमसम्मत्तं उप्पाइंति, अंते य नियमा वर्मति, तेसिं कोइ सासायणभावेण एएसु उववज्जइ, तओ किंचिकालं "सासायणभावो लब्भति // 4 // सनिअपजत्ते मिच्छदिट्टिसासाणअविरया तिन्नि / सव्वे सन्निपजत्ते मिच्छं सेसेसु सत्तसु वि // 5 // . 1. 'उद्धरियं सुगुरूवएसाओ" इत्यपि / 2. स्वमत्या / 3 “सु पंच०" इति “सु पंचसु एए दो” इति वा पाठः। 4 “सासणमावो" इति वा।
