________________ काव्यमाला। . सूत्रधारः-(विहस्य / ) अयि मुग्धे, न खलु निसर्गमधुरोदारप्रकृतयो वाचः सांसर्गिकैर्दोषैरुपहन्यमाना अपि स्वाभाविकं गुणमतिवर्तन्ते / पश्य तावत् / ध्माता भालतलानलैः कंवलिता कण्ठोत्यहालाहलै रालीढाथ जटाटवीवलयितैराशीविषाणां गणैः / कीर्णा भस्मभिराहतास्थिपटलैर्विता जटाग्रैरपि स्वीयामुज्झति माधुरी हरशिरोरत्नं किमिन्दोः कला // 24 // नटी—(सोत्प्रासम् / ) अज्ज, एवं णेदम् / णं भणामि तह वि दुजणा अवज्जणिज्जा जह अणुमेत्ते वि अह्माणं कुसीलवाणं खलिदे ण पडिहसन्ति / (क) सूत्रधारः-आर्ये, अलमनया चिन्तया / निसर्गः खलु स तादृशां नोपायसहस्रैरपि विपरिणमयितुं शक्यः / यतः / / अमृतं किरति हिमांशुर्विषमेव फणी समुद्रिति / गुणमेव वक्ति साधुर्दोषमसाधुः प्रकाशयति // 25 // तदलं कालातिपातेन / प्रस्तूयतां प्रावेशिकं संगीतकम् / नटी-कं उण समअं समस्सिअ गाइस्सम् / (ख) सूत्रधारः-नन्विममेवाचिरप्रवृत्तं सर्वसुखाकरं प्रावृट्समयमाश्रित्य गीयताम् / इह हि। मृदितमृदुमृदङ्गध्वानधिक्कारिमेघ ध्वनिमुदितमयूरीमन्द्रकेकोपगीताः / सजल लदजालानीलनेपथ्यलक्ष्य क्षेणरुचिरुचिराङ्गयः खैरमाशा नटन्ति // 26 // (क) आर्य, एवमेतत् / ननु भणामि तथापि दुर्जना आवर्जनीया यथाणुमात्रेऽप्यस्माकं कुशीलवानां स्खलिते न प्रतिहसन्ति / (ख) कं पुनः समयं समाश्रिय गास्ये / 1. 'स्वाभाविकगुणानातिवर्तन्ते' इति ख-पाठः. 2. 'तादृशः' इति ख-पाठः. 3. 'विनिमयितुं' इति ख-पाठः. 4. 'जलदलीलानील' इति ख-पाठः. 5. 'क्षणरुचिरुचिरम्याः' इति ख-पाठः.
